சுகாதார அமைச்சருக்கும் இ.மி.ச தலைவருக்கும் இடையில் இடம்பெற்ற கலந்துரையாடலின் போது இணக்கப்பாடு எட்டப்பட்டதையடுத்து, உறுதிமொழியை உறுதிப்படுத்தும் கடிதத்தை இலங்கை மின்சார சபை வழங்கியுள்ளதாக டொக்டர் ரத்நாயக்க குறிப்பிட்டார்.
கண்டியில் நேற்று வியாழக்கிழமை இடம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே கலாநிதி ரத்நாயக்க, திறைசேரியால் ரூ. 120 மில்லியன் கொழும்பு தேசிய வைத்தியசாலையின் நிலுவையிலுள்ள மின்சாரக் கட்டணங்களைத் தீர்ப்பதற்கு சுகாதார அமைச்சுக்கு வழங்கப்பட்டதாக தெரிவித்தார்.
கடந்த நான்கைந்து மாதங்களாக அரச வைத்தியசாலைகளின் மின் கட்டணத்தை சுகாதார அமைச்சினால் செலுத்த முடியவில்லை.
எவ்வாறாயினும், அடுத்த இரண்டு மாதங்களுக்குள் நிலுவையிலுள்ள கட்டணங்களைத் தீர்ப்பதாக உறுதியளித்ததையடுத்து, அரச மருத்துவமனைகளுக்கான மின் இணைப்பைத் துண்டிக்க வேண்டாம் என்று இ.மி.சபை ஒப்புக்கொண்டது.
எதிர்வரும் இரண்டு மாதங்களுக்குள் நிலுவையில் உள்ள மின்சார சபையின் கட்டணங்களைத் தீர்ப்பதற்கும், ஒவ்வொரு மாதமும் மின்சாரக் கட்டணம் செலுத்தப்படுவதை உறுதிசெய்வதற்கு நிதியை வழங்குவதற்கும் திறைசேரி கடிதம் ஒன்றை வெளியிட்டுள்ளதாக கலாநிதி சமன் ரத்நாயக்க மேலும் தெரிவித்தார்.