ஹபரதுவ, பொல்துவ பன்சல பகுதியில் இன்று (24) காலை இடம்பெற்ற துப்பாக்கிச் சூட்டு சம்பவத்தில் 38 வயதுடைய நபர் ஒருவர் உயிரிழந்துள்ளதாக தெரிவிக்கப்படுகின்றது.
மேலும் உயிரிழந்தவரின் மனைவி என அடையாளம் காணப்பட்ட பெண் ஒருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
தங்கள் குழந்தையை பாடசாலையில் விட்டுவிட்டு திரும்பிக் கொண்டிருந்த தம்பதியினர் மீது துப்பாக்கிச் சூடு நடத்தப்பட்டதாக முதற்கட்ட விசாரணையில் தெரியவந்துள்ளது.
முச்சக்கர வண்டியில் பயணித்த தம்பதிகள் மீது மோட்டார் சைக்கிளில் வந்த இருவர் துப்பாக்கிச் சூடு நடத்தியதாகத் தெரிவிக்கப்படுகிறது.
சம்பவம் தொடர்பில் பொலிஸார் விசாரணைகளை ஆரம்பித்துள்ளனர். (யாழ் நியூஸ்)
