புத்தாண்டு பண்டிகை காலத்திற்காக தற்போதுள்ள எரிபொருள் ஒதுக்கீடு அதிகரிக்கப்பட்டுள்ளதுடன், இன்று நள்ளிரவு முதல் அமுலுக்கு வரவுள்ளது. முன்பு திட்டமிட்டபடி, பண்டிகைக் காலத்திற்கான அதிகரித்து வரும் தேவைக்கு ஏற்ப, தேவையான எரிபொருள் இருப்புகளை இலங்கை பெற்றோலிய கூட்டுத்தாபனம் ஆர்டர் செய்து பெற்றுக் கொண்டது.
முச்சக்கர வண்டிகள் 5 லீட்டரில் இருந்து 8 லீட்டரில் ஆகவும், மோட்டார் சைக்கிள்கள் 4 லீட்டரில் இருந்து 7 லீட்டர் ஆகவும், பஸ்கள் 40 லீட்டரில் இருந்து 60 லீட்டராகவும், கார்கள் 20 லீட்டரில் இருந்து 30 லீட்டராகவும், மற்றைய வாகனங்கள் 15 லீட்டரில் இருந்து 25 லீட்டராகவும், லொரிகள் 50 லீட்டரில் இருந்து 75 லீட்டர்காவும், குவாட்ரிக் சைக்கிள்கள் 4 லீட்டரில் இருந்து 6 லீட்டர் ஆகவும் அதிகரிக்க முன்மொழியப்பட்டுள்ளது.
சிறப்பு நோக்கத்திற்கான வாகனங்கள் 20 லீட்டர் இல் இருந்து 30 லீட்டராகவும், வேன்கள் மற்றும் 20 லீட்டர் இல் இருந்து முதல் 30 லீட்டர் ஆகவும் அதிகரிக்க முன்மொழியப்பட்டுள்ளது. (யாழ் நியூஸ்)
