தனக்கு கிடைத்த சம்பள நிலுவைத் தொகையை அன்பளிப்பு செய்த ஷாபி சிஹாப்தீன்!
advertise here on top
advertise here on top
Join yazhnews Whatsapp Community

தனக்கு கிடைத்த சம்பள நிலுவைத் தொகையை அன்பளிப்பு செய்த ஷாபி சிஹாப்தீன்!


குருநாகல் போதனா வைத்தியசாலையின் வைத்தியர் ஷாபி சிஹாப்தீன் தனக்கு வழங்கபட்ட சம்பள நிலுவைத் தொகையை இலங்கைக்கான அத்தியாவசிய மருந்துகளை கொள்வனவு செய்வதற்காக அன்பளிப்பு செய்ய தீர்மானித்துள்ளார்.

வைத்தியர் ஷாபி சிஹாப்தீனின் காலதாமதமான ஊதியத்தை 2022 ஜூலை 10 ஆம் திகதிக்கு முன்னர் வழங்குவதற்கு சுகாதார அமைச்சு கடந்த வாரம் ஒப்புக்கொண்டது.

அதன்படி, அமைச்சகம் அவருக்கு 2.67 மில்லியன் ரூபா நிலுவைத் தொகையாக வழங்கப்பட்டுள்ளது,

இதனையடுத்து நாட்டில் உள்ள மருந்துப் பற்றாக்குறையைத் தணிக்க வைத்தியர் ஷாபி அவர்களால் நன்கொடையாக வழங்கபப்ட்டுள்ளது.

சம்பள நிலுவைகளில் அடிப்படை சம்பளம், இடைக்கால கொடுப்பனவு, வாழ்க்கைச் செலவு மற்றும் வைத்தியர் ஷாபி சிஹாப்தீனுக்கு விதிக்கப்பட்ட கட்டாய விடுப்புக் காலத்திற்கான ஓய்வூதியத்திற்குப் பதிலாக கொடுப்பனவு ஆகியவை அடங்கும்.

குருநாகல் போதனா வைத்தியசாலையில் சட்டவிரோத கருத்தடை சத்திர சிகிச்சைகளை மேற்கொண்ட குற்றச்சாட்டின் பேரில் வைத்தியர் சிஹாப்தீன் கட்டாய விடுமுறையில் அனுப்பப்பட்டார்.

பின்னர் பெண்களின் அனுமதியின்றி கருத்தடை செய்யப்பட்ட குற்றச்சாட்டின் பேரில் அவர் கைது செய்யப்பட்டார்.

மேலும் அவர் சட்டவிரோதமான முறையில் சொத்துக் குவித்ததாகவும், பயங்கரவாத அமைப்புடன் தொடர்புகளைப் பேணி வருவதாகவும் குற்றம் சாட்டப்பட்டது.

இதுவரை மேற்கொள்ளப்பட்ட விசாரணைகளில் சிஹாப்தீனுக்கு எதிராக முன்வைக்கப்பட்ட குற்றச்சாட்டுக்கள் எதுவும் நிரூபிக்கப்படவில்லை என குற்றப் புலனாய்வுத் திணைக்களம் 2019 ஜூலை மாதம் குருநாகல் நீதவான் நீதிமன்றத்திற்கு அறிவித்திருந்தது.

பின்னர் குருநாகல் பிரதான நீதவான் ஷாபி சிஹாப்தீன் பிணையில் விடுவிக்கப்பட்டார். (யாழ் நியூஸ்)

Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.