விவசாயிகளால் விளைவிக்கப்படும் பழங்கள் மற்றும் மரக்கறிகளில் 40% நுகர்வோரை சென்றடையும் முன்னரே அழிந்துவிடுகின்றன!

விவசாயிகளால் விளைவிக்கப்படும் பழங்கள் மற்றும் மரக்கறிகளில் 40% நுகர்வோரை சென்றடையும் முன்னரே அழிந்துவிடுவதாக அண்மையில் மேற்கொள்ளப்பட்ட ஆய்வொன்றின் மூலம் தெரியவந்துள்ளதாக மொரட்டுவ பல்கலைக்கழகத்தின் போக்குவரத்து மற்றும் விநியோக முகாமைத்துவ பிரிவின் சிரேஷ்ட விரிவுரையாளர் கலாநிதி அமில திபதுவ தெரிவித்துள்ளார்.

தற்போதைய நிலைமை காரணமாக நாட்டில் 40% முதல் 50% வரை உணவு நெருக்கடியை எதிர்கொள்ள நேரிடும் எனவும், வேறு நாட்டிலிருந்து இறக்குமதி செய்வதற்கு டொலர்கள் கிடைக்காததும் பிரச்சினையாக மாறியுள்ளதாகவும் அவர் சுட்டிக்காட்டியுள்ளார்.

தனியார் வானொலியில் இடம்பெற்ற நிகழ்ச்சி ஒன்றில் கலந்து கொண்டு உரையாற்றிய கலாநிதி பொறியியலாளர் அமில திபதுவ மேலும் தெரிவிக்கையில், நாட்டில் குறிப்பிட்ட அளவு உணவுப் பொருட்கள் நுகர்வோரிடம் உரிய முறையில் கையளிக்கப்படுவதற்கு முன்னர் விநியோகச் சங்கிலியில் அழிந்து விடுகின்றன. (யாழ் நியூஸ்)