உலக பணவீக்க தரப்படுத்தளில் மூன்றாம் இடத்தை பெற்றுள்ள இலங்கை முதலாவது இடத்தை எட்டுமா?
advertise here on top
advertise here on top
Join yazhnews Whatsapp Community

உலக பணவீக்க தரப்படுத்தளில் மூன்றாம் இடத்தை பெற்றுள்ள இலங்கை முதலாவது இடத்தை எட்டுமா?


இலங்கை நாட்டின் வருமானச் சுட்டியும் செலவுச் சுட்டியும் எதிரா மாறான திசையில் வேகமாக பயணித்ததால் அந்நிரச் செலவாணியில் பாரியளவிலான வீழ்ச்சியை சந்திக்க நேரிட்டது. 

இலங்கையின் அந்நிய செலவாணி வீழ்ச்சியை உத்தியோகபூர்வமாக அரசு வெளியிட்ட நாளிலிருந்து இலங்கை ரூபாயின் சர்வதேச ஒப்பீட்டளவிலான மதிப்பு வீழ்சியடையத் தொடங்கியது.
 
ரூபாயின் தலைகீழான வீழ்ச்சியின் போக்கு, இதனால் அதிகரித்த அரசு செலவீனம், அரச வருமானத்தில் ஏற்பட்ட பாரிய வீழ்ச்சி, போன்றவற்றால் அரசாங்கம் இலங்கையின் பொருளாதார வளர்ச்சிப் போக்கை ஒப்பிடும்போது சுமார் 70 வருடங்களில் அச்சிட வேண்டிய பணத்தை ஒரு குறுகிய காலப்பகுதியில் அச்சிட வேண்டிய நிலைக்கு தள்ளப்பட்டதாக உள்நாட்டு பொருளாதார நிபுணர்கள் பலர் தெரிவித்திருந்தனர். இதன் காரணமாக ஒரு வளர்ச்சி அடைந்துவரும் நாடு எதிர் நோக்கக் கூடாத பணவீக்கத்தை இலங்கை எதிர்கொண்டுள்ளது. 

இந்த வகையில் தற்போதைய உலக பணவீக்கத்தினை அய்வு செய்யும் அமெரி்க்க நிபுணர் தனது ஆய்வில் பின்வருமாறு குறிப்பிட்டுள்ளார்.

முதலாம் நிலையில் சிம்பேயும், இரண்டாம் நிலையில் லெபனானும், மூன்றாம் நிலையில் இலங்கையும் காணப்படுவதாக சர்வதேச பொருளாதார நிபுணரான ஸ்டீவ் ஹாங்க் தனது மாதாந்த பணவீக்க சுட்டெண் அறிக்கையில் தெரிவித்துள்ளார்.

உலக பொருளாதார ஆய்வில் மிகப் பழமை வாய்ந்த பல்கலைக்கழகமான அமெரிக்காவின் ஜோன்ஸ் ஹாப்கின்ஸ் பல்கலைக்கழகத்தின் பேராசிரியரான உலகப் புகழ்பெற்ற பொருளாதார நிபுணர் ஸ்டீவ் ஹாங்க் தனது பொருளாதார ஆய்வில் இலங்கை சம்பந்தமான ஆய்வுகளில் பல எச்சரிக்கைகளை தெரிவித்து வந்ததும் குறிப்பிடத்தக்கது.

மேலும் கடன் மீளச் செலுத்துதல் மற்றும் தொடர்ச்சியான எரிபொருள் விலையேற்றம் எரிபொருள் இறக்குமதிக்கு ஏற்பட்டுள்ள நிதிப் பற்றாக்குறை காரணமாக இலங்கை கடுமையான பொருளாதார நெருக்கடிக்குள் சிக்கியுள்ளதாக அவர் சுட்டிக்காட்டியுள்ளார்.

இந்த நெருக்கடிக்கு தீர்வு காண்பதற்கு உடநடியாக அனுபவமிக்க நாணய சபையொன்று நியமிக்கப்பட வேண்டுமெனவும் அவர் ஆலோசனை வழங்கியுள்ளார்.

இலங்கையின் பணவீக்க விளக்கம் தொடர்பில் பேராசிரியர் ஸ்டீவ் ஹாங்க் தொடர்ச்சியான அவதானத்தை விளக்கியுள்ள படவரைபின் ஏற்றத்தை அவதானிக்கும்போது இலங்கையானது
கூடிய விரைவில் உலக பணவீக்கத்தில் முதல் இடத்தை எட்டுமா என்ற ஊகமும் எழுகின்றது. 

-பேருவளை ஹில்மி


Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.