நான் ஐக்கிய மக்கள் சக்தியில் இருந்து விலகி சுயேட்சை பாராளுமன்ற உறுப்பினராக அரசாங்கத்திற்கு ஆதரவளிக்கப் போவதாக பல்வேறு ஊடகங்களில் செய்திகள் பரவி வருவதாக அறியமுடிந்தது. இந்தச் செய்தியை வன்மையாக மறுக்கவும், எனது நிலைப்பாட்டை தெளிவுபடுத்தவும் இந்த வாய்ப்பைப் பயன்படுத்துகிறேன்.
இடைக்கால அரசாங்கத்தை அமைப்பதற்கு ஐக்கிய மக்கள் சுதந்திரக் கூட்டமைப்பு நான்கு நிபந்தனைகளை ஜனாதிபதியிடம் முன்வைத்தது. மக்களின் குரலைப் பிரதிநிதித்துவப்படுத்தும் எனது கட்சி முன்வைத்துள்ள இந்த நிபந்தனைகள் மிகவும் நியாயமானவை என்பதையும், கட்சியின் இந்த நிலைப்பாட்டுடன் நான் உடன்படுகிறேன் என்பதையும் தெரிவித்துக் கொள்கிறேன். கட்சியின் கொள்கைகளுக்கும் எனக்கும் எந்த வகையிலும் துரோகம் இழைக்க மாட்டேன் என்பதை இங்கு தெரிவித்துக் கொள்ள வேண்டும்.
நம் நாட்டு மக்கள் எதிர்கொள்ளும் சவால்களைப் புரிந்துகொள்வதற்கும், அவற்றுக்கான நிரந்தரத் தீர்வுகளைக் கொண்டு வருவதற்கும் நாங்கள் தொடர்ந்து உறுதியளிக்கிறோம். அதன்படி, அரசாங்கத்தால் முன்மொழியப்படும் எந்தவொரு முன்னோக்கான பொருளாதார சீர்திருத்தத்திற்கும் நாங்கள் ஆதரவளிக்க விரும்புகிறோம். அவ்வாறு செய்யும்போது, #gotagohome மற்றும் இந்நாட்டு மக்களால் கோரப்படும் சீர்திருத்தங்களுக்காக நாங்கள் தடையின்றி போராடுவதற்கு உறுதிபூண்டுள்ளோம். (யாழ் நியூஸ்)