தொடர் மின்வெட்டு ஏற்படும் போது எனக்கும் வீதிக்கு இறங்க தோன்றுகிறது! எஸ்.பி

எண்ணெய் மற்றும் கேஸ் வரிசையில் காத்து நிற்கும் மக்கள் அரசாங்கத்தை 'கோட்டா கெதர பல' என்று அழைப்பதில் ஆச்சரியமில்லை என பாராளுமன்ற உறுப்பினர் எஸ்.பி. திஸாநாயக்க தெரிவித்துள்ளார்.

மேலும் அவர்கள் வீதியில் இறங்கி அரசாங்கத்தை சபித்தாலும் ஆச்சரியப்படுவதற்கில்லை என்றார்.

மேலும் இந்த தொல்லைக்கு அரசு சார்பிலும், மக்கள் முன்னணி சார்பிலும் மக்களிடம் மன்னிப்பு கேட்டுக் கொண்டார்.

ஏழெட்டு மணி நேரம் மின்சாரம் இல்லாமல் வீட்டில் இருக்கும் போது தானும் பதாதை ஒன்றை எடுத்துக் கொண்டு வீதிக்கு வர முயற்சிப்பதாக அவர் மேலும் தெரிவித்தார்.

ஸ்ரீலங்கா பொதுஜன பெரமுனவின் தலைமையகத்தில் நடைபெற்ற ஊடகவியலாளர் சந்திப்பின் போதே அவர் மேற்கண்டவாறு தெரிவித்தார். (யாழ் நியூஸ்)