துறைமுக நகர அபிவிருத்தி நடவடிக்கைகளுக்காக நாட்டில் உள்ள ஆறுகளில் இருந்து மணலை வழங்க முடியாது என சுற்றாடல் அமைச்சர் தெரிவித்துள்ளார்.
2021-25 ஆம் ஆண்டிற்கான இலங்கையின் மணல் தேவை 57 மில்லியன் கனமீட்டராக மதிப்பிடப்பட்டுள்ளது, ஆனால் நாட்டில் 42 மில்லியன் கனமீட்டரே உள்ளது. இதனால் ஆறுகளில் மணல் எடுப்பது நிறுத்தப்பட்டு வருவதாகவும், கிழக்கு மாகாணம் மற்றும் பொலன்னறுவையில் இருந்து மணல் எடுப்பதும் படிப்படியாக நிறுத்தப்பட்டு வருவதாக அமைச்சர் மஹிந்த அமரவீர தெரிவித்தார்.
ஆழ்கடல் அகழ்வாராய்ச்சியைப் பெறுவதற்குத் திட்டமிடப்பட்டாலும், மீனவ மக்களின் எதிர்ப்புக் காரணமாக மணல் இறக்குமதி செய்வதில் கவனம் செலுத்தப்பட்டதாக அவர் மேலும் தெரிவித்தார். (யாழ் நியூஸ்)
