அம்புலன்ஸ் வாகனம் பாணந்துறை ஆதார வைத்தியசாலைக்குள் நுழைய முற்பட்ட போது இந்த சம்பவம் இடம்பெற்றுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.
இரண்டு மோட்டார் சைக்கிள்களில் வந்த இனந்தெரியாத நால்வர், அம்புலன்ஸ் சாரதியை நோக்கி துப்பாக்கிச் சூடு நடத்த முற்பட்டதாக அவர் கூறினார்.
சந்தேகநபர்கள் துப்பாக்கிச் சூடு நடத்த முயற்சித்ததாகவும், ஆனால் அந்த நேரத்தில் துப்பாக்கிச் சூடு நடத்தப்படவில்லை என்றும் பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.
சம்பவத்திற்கு பயன்படுத்தப்பட்ட ஆயுதம் செயலிழந்ததன் காரணமாக துப்பாக்கி சுடுவதில் தோல்வியடைந்ததாக அவர் கூறினார்.
முயற்சி தோல்வியடைந்ததை அடுத்து சந்தேகநபர்கள் பிரதேசத்தை விட்டு தப்பிச் சென்றுள்ளதாக பொலிஸ் ஊடகப் பேச்சாளர் மேலும் தெரிவித்தார். (யாழ் நியூஸ்)
சம்பவம் தொடர்பில் பாணந்துறை பொலிஸார் விசாரணைகளை ஆரம்பித்துள்ளதாக அவர் மேலும் தெரிவித்தார்.
