காலியிலும் கொழும்பைப் போன்று துறைமுக நகரம்!!!

காலி துறைமுகத்தை சுற்றி கொழும்பு துறைமுக நகரத்திற்கு நிகரான சுற்றுலா வலயம் ஒன்று அமைக்கப்படும் என துறைமுகங்கள் மற்றும் கப்பல் போக்குவரத்து அமைச்சர் ரோஹித அபேகுணவர்தன தெரிவித்துள்ளார்.

கொழும்பில் செய்தியாளர்களிடம் பேசிய அவர், மணல் நிரப்பி 40 ஹெக்டேரில் சுற்றுலா வலயத்தை அமைக்க அரசாங்கம் தீர்மானித்துள்ளது.

காலி துறைமுகம் சுற்றுலா வலயமாக அபிவிருத்தி செய்யப்படும் என கோடிட்டுக் காட்டப்பட்டுள்ள அரசாங்கத்தின் தேசிய கொள்கையின் ஒரு அங்கமாகவே இந்த அபிவிருத்தி இடம்பெறவுள்ளது.

அமைச்சர் அபேகுணவர்தன மேலும் தெரிவிக்கையில், கொழும்பு துறைமுக நகரத்தைப் போன்று காலியிலும் தனியார் முதலீட்டாளர்கள் ஊடாக சுற்றுலாத் துறையுடன் தொடர்புடைய வணிக வளாகங்கள், ஹோட்டல்கள் மற்றும் வீடுகள் என்பன நிறுவப்படும்.

இத்திட்டத்தின் மூலம் காலியை சுற்றுலா தலமாக மேம்படுத்த முடியும் என அவர் மேலும் தெரிவித்தார். (யாழ் நியூஸ்)