நாட்டை மூன்றே வருடங்களில் மீண்டும் கட்டியெழுப்புவோம் - அமைச்சர் மஹிந்தானந்த

சமூக வலைத்தளங்கள் ஊடாக எத்தகைய விமர்சனங்கள் முன்வைக்கப்பட்டாலும் அடுத்த மூன்று வருடங்களுக்குள் நாட்டை கட்டியெழுப்பும் வேலைத்திட்டம் அரசாங்கத்திடம் உள்ளதாக விவசாய அமைச்சர் மஹிந்தானந்த அளுத்கமகே தெரிவித்துள்ளார்.

தற்போதைய அரசாங்கம் ஜனநாயக ரீதியில் செயற்படுவதாகவும், அரசாங்கத்தை கைப்பற்ற நினைக்கும் பலர் கடந்த 5 வருடங்களில் என்ன நடந்தது என்பதற்கு கூடிய விரைவில் பதில் சொல்ல வேண்டும் எனவும் அமைச்சர் தெரிவித்தார்.

எதிர்வரும் 3 வருடங்களுக்குள் நாட்டின் பொருளாதாரத்தை மீட்டெடுத்து நாடு சரியான பாதையில் செல்லும் என விவசாய அமைச்சர் மஹிந்தானந்த அளுத்கமகே மேலும் தெரிவித்தார். (யாழ் நியூஸ்)