தனது இலகுரக விமானத்தில் இலங்கை வந்தடைந்தார் ஸாரா!

advertise here on top
Join YazhNews WhatsApp Community

தனது இலகுரக விமானத்தில் இலங்கை வந்தடைந்தார் ஸாரா!


இலகுரக விமானத்தில் தனியாக உலகை சுற்றிவரும், 19 வயதுடைய இளம் விமானியான ஸாரா ரதஃபோர்ட் (Zarah Rutherford) இன்று (28) இரத்மலானை விமான நிலையத்தை வந்தடைந்தார்.

தனது பயணத்தின் ஒரு அங்கமாக அவர், இந்தோனேஷியாவிலிருந்து இவ்வாறு இலங்கை வந்துள்ளார். இலகுரக விமானத்தில், உலகைச் சுற்றி வந்த மிக இளம் வயது விமானியாக ஸாரா கருதப்படுகிறார்.

இந்த பயணத்தின் போது, அவர் தனது விமானத்தை 52 நாடுகளில் தரையிறக்க திட்டமிட்டுள்ளார் என்றும், பூமத்திய ரேகை ஊடாக இரண்டு உலகை சுற்றிவர எதிர்பார்த்துள்ளார் எனவும் தெரிவிக்கப்பட்டுள்ளது.

அதனூடாக, 30 வயதான அமெரிக்க விமானியான ஷெஸ்டா வயிஸ் 2017 ஆம் ஆண்டு புரிந்த சாதனையை முறியடிக்க ஸாரா முயற்சிகளை மேற்கொண்டுள்ளார்.

பிரித்தானிய விமானிகளின் குடும்பத்திலிருந்து வந்த சாரா, தனது 14 வயதில் விமானியாக தனது முதல் அனுபவத்தைப் பெற்றதுடன், 2020 ஆம் ஆண்டில் தனது 17 ஆவது வயதில் விமானம் செலுத்துவதற்கான அனுமதிப்பத்திரம் பெற்றார்.

உலகின் அதிவேக இலகுரக விமானங்களில் ஒன்றாகக் கருதப்படும் ஷார்க் யூ.எல் விமானத்தில் அவர் உலகம் முழுவதும் சுற்றுப்பயணம் மேற்கொண்டு வருகிறார்.

இந்த பயணத்தின் போது, ஸாரா அட்லாண்டிக் வழியாக கிறீன்லாந்து, கனடா, தென் அமெரிக்கா வழியாக அலாஸ்காவுக்குச் சென்று அங்கிருந்து ரஷ்யா மற்றும் இந்தோனேசியாவுக்கு பயணிக்கவுள்ளார்.

அதன்பின்னர் அவர் தனது சாகசப் பயணத்தை ஐரோப்பா நோக்கி முன்னெடுக்கவுள்ளதாக தெரிவிக்கப்பட்டுள்ளது.

கடந்த ஆகஸ்ட் 11 ஆம் திகதி பெல்ஜியத்தின் ரஸல்ஸ் நகரில் தனது சுற்றுப் பயணத்தைத் தொடங்கிய ஸாரா, இன்னும் மூன்று மாதங்களில் அதனை நிறைவுசெய்ய எதிர்பார்த்துள்ளார்.


Previous News Next News
header ads
Join YazhNews WhatsApp Community
ALERT: யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகள் அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.