துறைமுகத்தில் நிறுத்தப்பட்ட பல அத்தியாவசிய பொருட்கள் - நாட்டில் மீண்டும் பொருட்களின் விலை உயரும் அபாயம்!

அத்தியாவசிய உணவுப் பொருட்களை எடுத்து வந்த சுமார் 1,500 கொள்கலன்கள் துறைமுகத்தில் நிறுத்தப்பட்டுள்ளன.

நாட்டில் நிலவும் கடுமையான டொலர் நெருக்கடியே இதற்குக் காரணம்.

இந்த கொள்கலன்களில் சுமார் 30,000 மெட்ரிக் தொன் அத்தியாவசிய பொருட்கள் இருப்பதாக அத்தியாவசிய பொருட்கள் இறக்குமதியாளர்கள் சங்கம் தெரிவித்துள்ளது.

இந்த பொருட்கள் வெளியிடப்படாவிட்டால், நாட்டில் பொருட்களின் விலை வேகமாக உயரும் என்றும் கூறுகின்றனர்.

கோதுமை மாவைத் தவிர மற்ற அத்தியாவசிய உணவுப் பொருட்களை இறக்குமதி செய்வதற்கு ஒரு மாதத்திற்கு சுமார் 110 மில்லியன் டொலர்கள் நாட்டுக்கு செலவாகிறது. (யாழ் நியூஸ்)