அனைத்து பள்ளிவாயல்களின் நம்பிக்கை பொறுப்பாளர்களுக்கும் / நம்பிக்கையாளர்களுக்கும் மற்றும் ஏதாவதொரு பள்ளிவாயல் நிர்வாகத்துடன் ஏதாவது வகையில் தொடர்புள்ள நபர்களுக்கும்;
இலங்கை அரசாங்கம், 13.04.2021 ஆம் திகதியிட்ட அதிவிசேட வர்த்தமானி அறிவித்தல் இலக்கம். 2223/3 மூலம் இலங்கையிலுள்ள பதினொரு (11) அமைப்புகளை தடைசெய்துள்ளது.
இந்நிலையில், எந்தவொரு பள்ளிவாயலினதும் நம்பிக்கையாளர்/பொறுப்பாளர் அல்லது பள்ளிவாயல் நிர்வாகத்துடன் ஏதாவது வகையில் தொடர்புள்ள நபர்; குறித்த தடை செய்யப்பட்ட அமைப்புக்களின் ஒரு உறுப்பினர் அல்லது தொடர்புபட்டவர் அல்லது அவற்றின் பங்காளிகளாக இருந்தால், அவர்களை உடனடியாக இராஜினாமா செய்யும்படியும் அவர்களது நியமனக் கடிதங்களை திருப்பி ஒப்படைக்கும் படியும் இலங்கை வக்ப் சபை அவர்களை கண்டிப்பாக வேண்டிக்கொள்கிறது.
இலங்கை வக்ப் சபையின் பணிப்புரைக்கமைய,
ஏ.பீ.எம். அஷ்ரப்
பணிப்பாளர் - முஸ்லிம் பள்ளிவாயல்கள், தரும நம்பிக்கை சொத்துக்கள் அல்லது வக்புகள் மற்றும் முஸ்லிம் சமய பண்பாட்டலுவல்கள் திணைக்களம்
