மாணவனை தண்டித்த அதிபரை கடுமையாக தாக்கிய பெற்றார் - பலத்த காயங்களுடன் அதிபர் வைத்தியசாலையில்!

மாணவனை தண்டித்த அதிபரை கடுமையாக தாக்கிய பெற்றார் - பலத்த காயங்களுடன் அதிபர் வைத்தியசாலையில்!

ஹட்டன் கல்வி வலயத்தினால் நிர்வகிக்கப்படும் பொகவந்தலாவ டின்சின் தமிழ் மகா வித்யாலயத்தின் அதிபர் நேற்றிரவு (27) இனம் தெரியாத குழுவினரால் தாக்கப்பட்டு பொகவந்தலாவ பிராந்திய மருத்துவமனையில் அனுமதிக்கப்பட்டார். பின்னர் மேலதிக சிகிச்சைகளுக்காக டிக்கோயா ஆதார மருத்துவமனைக்கு மாற்றப்பட்டார்.

இச்சம்பவம் நேற்றிரவு 8.30 மணியளவில் பொகவந்தலாவ மோரா தோட்டப்பகுதியில் நடந்துள்ளது.

பாடசாலை அதிபர் திரு. பி. பிரபாகரன், க.பொ.த. சாதாரண தர பரீட்சைகளுக்காக வருகை தரவிருக்கும் மாணவர்களை வாழ்த்துவதற்காக மோரா தோட்டத்திற்கு சென்றபோது பாடசாலையில் கல்வி பயிலும் மாணவர் குழுவொன்று தமது பெற்றோருடன் இரும்பு தடிகளுடன் அங்கு வருகை தந்திருந்ததாகவும், அவரை தாக்கியதாகவும் தெரிவித்தார்.

ஒழுக்கத்தை மீறியதற்காக தனது பாடசாலையில் தரம் 10 மாணவனை தண்டித்ததற்காக மாணவர்கள் மற்றும் அவர்களது பெற்றோர்களால் தாக்கப்பட்டதாக அதிபர் பொகவந்தலாவ பொலிசாருக்கு அளித்த புகாரில் தெரிவிக்கப்பட்டிருந்தது.

பாடசாலையில் ஒழுக்கத்தை மீறியதால் அதிபரைத் தாக்கியதாகக் கூறப்படும் மாணவரின் தாயும் பொகவந்தலாவ பொலிஸ் நிலையத்தில் புகார் அளித்துள்ளார். குறித்த அதிபர் 27 ஆம் திகதி இரவு தன்னைத் தாக்கியதாக மாணவனின் தாய் குற்றம் சாட்டியிருந்தார்.

இரு தரப்பினரினதும் புகார்கள் குறித்து விசாரணை தொடங்கப்பட்டுள்ளதாக பொகவந்தலாவ பொலிசார் தெரிவிக்கின்றனர். (யாழ் நியூஸ்)

கருத்து தெரிவிக்க...

Previous News Next News
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.