Johnson & Johnson கொரோனா தடுப்பூசிக்கு அமெரிக்க மருந்து கட்டுப்பாட்டாளர்கள் உத்தியோகபூர்வ அனுமதியினை வழங்கியுள்ளனர்.
இதற்கமைய, அமெரிக்காவில் உத்தியோகபூர்வ அனுமதி வழங்கப்பட்ட மூன்றாவது தடுப்பூசியாக Johnson & Johnson தடுப்பூசி பதிவு செய்யப்பட்டுள்ளது.
அத்துடன், முன்னதாக அனுமதி வழங்கப்பட்ட Pfizer மற்றும் Moderna ஆகிய தடுப்பூசிகளுக்கான செலவைவிட குறைந்த செலவில் Johnson & Johnson தடுப்பூசி உருவாக்கப்பட்டுள்ளது.
மேலும், Johnson & Johnson தடுப்பூசியினை சாதாரண குளிர்சாதன பெட்டியில் சேமித்து வைக்க முடியுமெனவும் சுட்டிக்கட்டப்பட்டுள்ளது.
பெல்ஜியத்தின் Janssen நிறுவனத்தினால் உருவாக்கப்பட்டுள்ள Johnson & Johnson கொரோனா தடுப்பூசியானது ஒரு முறை வழங்கப்பட்டால் மாத்திரமே போதுமானதென தெரிவிக்கப்பட்டுள்ளது.
$ads={1}
மேலும், எதிர்வரும் ஜூன் மாதத்திற்குள் 100 மில்லியன் தடுப்பூசியினை அமெரிக்காவிற்கு வழங்குவதற்கு Janssen நிறுவனம் ஒத்துக்கொண்டுள்ளது.
இதன் முதலாவது தொகுதி அடுத்த வாரம் அமெரிக்க மக்களுக்கு வழங்கப்படுமென சர்வதேச ஊடங்கங்கள் தெரிவிக்கின்றன.
