பெரிய வெங்காய உற்பத்தியை அதிகரிக்க வேண்டும்! -மஹிந்தானந்த அலுத்கமகே

உள்நாட்டு உற்பத்திகளை மேம்படுத்துவதன் மூலம் நாட்டின் பொருளாதாரத்தை வலுப்படுத்த திட்டமிட்டுள்ளதாக விவசாயத்துறை அமைச்சர் மஹிந்தானந்த அலுத் கமகே தெரிவித்துள்ளார்.

விவசாயத்துறை அமைச்சின் கீழ் உள்ள ஒவ்வொரு நிறுவனங்களின் செயற்பாடுகளை அதிகரிக்கத் தீர்மானிக்கப்பட்டுள்ளதாக அமைச்சர் மேலும் தெரிவித்துள்ளார்.

உள்நாட்டில் உற்பத்தி செய்யப்படும் பெரிய வெங்காயத்தின் அளவு 22 சதவீதம் மட்டுமே என தெரிவிக்கப்பட்டுள்ளது.

ஏனைய பங்குகள் அனைத்தும் வெளிநாடுகளிலிருந்து இறக்குமதி செய்யப்படுவதாகத் தெரியவந்துள்ளது.

இதனால் உள்நாட்டில் உற்பத்தி செய்யப்படும் பெரிய வெங்காயத்தின் அளவை 35 சதவீதமாக அதிகரிக்க வேண்டும் என அமைச்சர் மஹிந்தானந்த அலுத்கமகே மேலும் தெரிவித்துள்ளார்.