இத்தாலி: 2000 ஆண்டுகள் தொன்மையான இரு உடல்கள் கண்டுபிடிப்பு!

இத்தாலி: 2000 ஆண்டுகள் தொன்மையான இரு உடல்கள் கண்டுபிடிப்பு!

ஏறக்குறைய 2,000 ஆண்டுகளுக்கு முன்பு வெசுவியஸ் எரிமலை வெடித்தபோது தப்பிக்க முயன்ற இருவரின் எலும்புக்கூடுகள் பாம்பீயில் கண்டுபிடிக்கப்பட்டுள்ளதாக இத்தாலியின் தொல்பொருள் பூங்காவின் அதிகாரிகள் தெரிவித்துள்ளனர்.

கி.பி 79 இல் எரிமலை வெடிப்பால் அழிக்கப்பட்ட பண்டைய ரோமானிய நகரமான பாம்பீயில் எரிமலை இடிபாடுகளை அகழ்வாராய்ச்சி செய்யும் போது இருவரின் மண்டை ஓடுகள் மற்றும் எலும்புகளின் பகுதிகள் கண்டுபிடிக்கப்பட்டுள்ளன.


$ads={2}

வெசுவியஸ் மலையிலிருந்து ஆரம்பத்தில் சாம்பல் விழுந்ததில் இருந்து இந்த இரு ஆண்கள் தப்பித்திருக்கலாம், பின்னர் மறுநாள் காலை நடந்த ஒரு சக்திவாய்ந்த எரிமலை குண்டுவெடிப்பில் இவர்கள் புதைந்து இறந்திருக்கலாம் என்று பாம்பீ அதிகாரிகள் தெரிவித்தனர். பலியான இருவரின் எச்சங்களும், ஒருவருக்கொருவர் முதுகில் கிடந்தன, சாம்பல் அடுக்கில் குறைந்தது 2 மீட்டர் (6.5 அடி) ஆழத்தில் இந்த எச்சங்கள் காணப்பட்டன.

இந்த எலும்புகள் மற்றும் பற்களை ஆராயும்போது, ஒருவர் இளமையாக இருந்தார் அவருக்கு 18 முதல் 25 வயது வரை இருக்கலாம், அவருக்கு ஒரு அடிமையைப் போன்ற உடல்வாகு உள்ளது. மற்றொரு மனிதர் ஒரு வலுவான எலும்பு அமைப்பைக் கொண்டிருந்தார், அவர் 30 முதல் 40 வயதுடையவர் என்று மதிப்பிடப்பட்டுள்ளது என்று பாம்பீ அதிகாரிகள் தெரிவித்தனர். அந்த மனிதனின் முகத்தின் அருகே வெள்ளை வண்ணப்பூச்சின் துண்டுகள் காணப்பட்டன.இரண்டு எலும்புக்கூடுகளும் கீழ்தளத்தின் பக்க அறையிலுள்ள நடைபாதையில் காணப்பட்டன. இது பண்டைய ரோமானிய காலங்களில் கிரிப்டோபோர்டிகஸ் என அறியப்பட்டது.

கி.பி. 79 ஆம் ஆண்டு அக்டோபர் 25 இல் ஒரு "எரிமலை குழம்பு பாம்பீக்கு வந்தபோது அதன் வழியில் சந்தித்த அனைவரையும் கொன்றது" என்று ஆய்வாளர் ஒசன்னா கூறினார். இப்போது கண்டெடுக்கப்பட்ட சாம்பல் உடல் எச்சங்களின் ஆய்வுகளின்படி இளையவர் ஒரு குறுகிய, பளபளப்பான ஆடை அணிந்திருக்கலாம், ஒருவேளை அது கம்பளியாக இருக்கலாம். வயதான பாதிக்கப்பட்டவர், நன்றாக ஆடைகள் அணிந்துள்ளார் மற்றும் அவரது இடது தோள்பட்டைக்கு மேல் ஒரு கவசம் வைத்திருப்பதாகத் தோன்றுகிறது என ஆய்வாளர்கள் தெரிவித்தனர்.

முக்கிய குறிப்பு:
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளுக்கு அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக்கொள்கிறோம்.

கருத்து தெரிவிக்க..

Previous Post Next Post