பிரபல ஹாலிவுட் நடிகர் ஷான் கானரி தனது 90ஆவது வயதில் காலமானார்.
ஜேம்ஸ் பாண்ட் கதாபாத்திரத்தில் முதன்முதலில் திரையில் நடித்த நடிகர் ஷான் கானரி, மொத்தம் 7 ஜேம்ஸ் பாண்ட் படங்களில் நாயகனாக நடித்துள்ளார். ஹாலிவுட்டின் மூத்த நடிகர்களில் ஒருவரான கானரி 'தி அண்டச்சபிள்ஸ்' திரைப்படத்தில் நடித்ததற்காகச் சிறந்த உறுதுணை நடிகருக்கான ஆஸ்கர் விருதை வென்றார். மேலும் 2 பாஃப்தா விருதுகள், 3 கோல்டன் குளோப் விருதுகளையும் வென்றுள்ளார்.
40 வருடங்களுக்கும் மேலாக நடித்து வரும் கானரிக்கு, 'இண்டியானா ஜோன்ஸ்’ திரைப்படத்தின் மூன்றாம் பாகம், 'தி ஹண்ட் ஃபார் தி ரெட்' அக்டோபர், 'தி ராக்' உள்ளிட்ட திரைப்படங்கள் சர்வதேச அளவில் புகழைத் தேடித் தந்தன.
$ads={2}
கடந்த ஆகஸ்ட் மாதம் கானரி தனது 90ஆவது பிறந்த நாளைக் கொண்டாடினார். இவருக்கு ஜேஸன் கானரி என்கிற ஒரு மகன் மட்டும் உள்ளார். அவரும் நடிகர் மற்றும் இயக்குநராகப் பணியாற்றி வருகிறமை குறிப்பிடத்தக்கது.
