இதுகுறித்து மேலும் தெரியவருவதாவது,
கடந்த செப்டம்பர் 19ஆம் திகதி தொடக்கம் ஐக்கிய அரபு அமீரகத்தில் இடம்பெற்றுவரும் ஐ.பி.எல் போட்டிகள் தொடரில், சென்னை சூப்பர் கிங்ஸ் அணி தொடர்ச்சியாக மோசமான ஆட்டத்தை வெளிப்படுத்தி வருகிறது.
முதல் போட்டியில் மும்பை கிங்ஸ் அணிக்கு எதிரானப் போட்டியில் வெற்றி பெற்றது. அதைத்தொடர்ந்து தொடர்ச்சியாக மூன்று போட்டிகளில் தோல்வியைத் தழுவியது. பின்னர், பஞ்சாப் அணிக்கு எதிரான ஒரு வெற்றியைப் பதிவு செய்தது.
பின்னர், கொல்கத்தா அணிக்கு எதிரானப் போட்டியில் மீண்டும் தோல்வியைத் தழுவியது. இந்தப் போட்டியில் நல்லதொரு தொடக்கம் கிடைத்த போதிலும், மிடில் ஆர்டர் பேட்ஸ்மேன்களின் தரமற்ற ஆட்டத்தால் சென்னை அணி தோல்வியைத் தழுவியது. தோனியும் இந்தப் போட்டியில் மோசமான ஆட்டத்தை வெளிப்படுத்தினார்.
இந்நிலையில், சமூக வலைதளங்களில் சிலர், தோனி, சாக்ஷி தோனியின் இன்ஸ்டாகிராம் பக்கங்களில் ஒழுங்காக விளையாடவில்லையென்றால் தோனியின் ஐந்து வயது மகளான ஷிவா தோனியை பாலியல் வன்கொடுமை செய்து விடுவோம் என அருவருக்கத்தக்க வகையில் பதிவிட்டு வருகின்றனர்.
