இலங்கையில் அலுவலகங்கள் உட்பட பல இடங்களில் காய்ச்சல் பரிசோதிக்கும் முறையில் தவறு என நரம்பியல் நோய்கள் தொடர்பான விசேட வைத்தியர் பிரசன்ன குணசேன தெரிவித்துள்ளார்.
முன்பு உடல் சூட்டை வைத்து காய்ச்சல் பார்க்கப்பட்டது. கொரோனா பரவல் ஆரம்பித்த பின்னர் இயந்திரங்கள் ஊடாக கொரோனா பரிசோதிக்கப்பட்டது.
சில இடங்களில் பாதுகாப்பு பிரிவினரால் காய்ச்சல் பரிசோதிக்கப்படுகின்றது. பரிசோதனைக்கு முன்னர் கைகளை கழுவுமாறு பாதுகாப்பு பிரிவினர் தெரிவிக்கின்றனர்.
கொரோனா வைரஸ் உடலுக்குள் உள்ளதா என்பதனை அடையாளம் காணுவதற்கு உடல் வெப்பநிலை அதிகரிப்பு ஒரு காரணமாகும். எனினும் கொரோனா தொற்றுக்குள்ளான அனைவருக்கும் உடலிலும் வெப்பநிலை அதிகரிக்காது.
சிவப்பு ஒளியைப் பயன்படுத்தி வடிவமைக்கப்பட்ட ஒரு தெர்மோமீட்டர் மூலம் ஒரு நபரின் உடல் வெப்பநிலையை துல்லியமாக அளவிட முடியும். இந்த சாதனத்தை நெற்றியில் வைக்கும் போது ஒரு நபரின் உடல் வெப்பநிலையை துல்லியமாக அளவிட முடியும்.
இருப்பினும், சிவப்பு கதிர்வீச்சு மூளை புற்றுநோயை ஏற்படுத்தும் என்ற கட்டுக்கதை காரணமாக, மணிக்கட்டு பகுதி வெப்பநிலையை அளவிட நடவடிக்கை எடுக்கப்பட்டது. ஆனால் இங்கே நாம் உடலின் சரியான வெப்பநிலையை அறிய முடியாது.
பொதுவாக நபர் ஒருவர் வெளியே வெயிலில் நடந்து விட்டு ஏதாவது ஒரு நிலையத்திற்குள் நுழையும் போது கைகளை கழுவிவிட்டு நுழைவது சுகாதார சட்டமாகும்.
இவ்வாறு கைகளை கழுவியவுடன், கையில் உள்ள வெப்பம் குறைவடைகின்றது. அவ்வாறான சந்தர்ப்பத்தில் ஒரு தெர்மோமீட்டர் தவறான தரவை அளிக்கிறது.
ஒரு தொழிற்சாலையில் உள்ளவர்களின் உடல் வெப்பநிலை ஒரே குழுவில் உள்ள ஒரே நபரால் அளவிடப்படுகிறது. ஒரு நபர் இரண்டு அல்லது மூன்று நாட்களுக்கு வெப்பநிலை அதிகரிப்பதை உணர்ந்தால், அதை உடனடியாக செயல்படுத்தலாம். எனவே மக்கள் அவதானமாக செயற்பட வேண்டும் என அவர் மேலும் தெரிவித்துள்ளார்.
