நேற்று (23) இரவு 9.30 மணியளவில் இந்த விபத்து இடம்பெற்றுள்ளதாக தெரிவிக்கப்படுகிறது.
குறுநாகல் நோக்கி பயணித்த கொள்கலன் லொறியொன்று சாரதியின் கட்டுப்பாட்டை இழந்து எதிரில் வந்த கார் ஒன்றில் மோதி, மற்றுமொரு கார் மீதி கவிழ்ந்ததில் இந்த விபத்து இடம்பெற்றுள்ளது.
விபத்தில் படுகாயமடைந்த லொறி சாரதி உட்பட 6 பேர் கலகெதர மற்றும் பேராதனை வைத்தியசாலைகளில் அனுமதிக்கப்பட்டுள்ளனர்.
இதன்போது, கொள்கலன் லொறி கவிழ்ந்ததில் விபத்துக்குள்ளான காரின் 36 வயதான சாரதி மற்றும் 2 வயது பெண் குழந்தையொன்று உயிரிழந்துள்ளதாக தெரிவிக்கப்படுகிறது.
சடலங்கள் கலகெதர மற்றும் பேராதனை வைத்தியசாலைகளில் வைக்கப்பட்டுள்ள நிலையில் கலகெதர பொலிஸார் மேலதிக விசாரணைகளை மேற்கொண்டு வருகின்றனர்.
