ஜீவன் தொண்டமானின் பெயர் இன்றி வௌியான வர்த்தமானி, காரணம் வெளியானது!

ஜீவன் தொண்டமானின் பெயர் இன்றி வௌியான வர்த்தமானி, காரணம் வெளியானது!

Thondaman son
நுவரெலியா மாவட்டத்தில் ஸ்ரீலங்கா பொதுஜன முன்னணியின் சார்பில் போட்டியிடும், ஜீவன் தொண்டமானின் பெயர் அடங்கிய திருத்தப்பட்ட வர்த்தமானி விரைவில் வெளியாக்கப்படும் என தேர்தல்கள் ஆணைக்குழு தெரிவித்துள்ளது.

எதிர்வரும் பொதுத் தேர்தலில் போட்டியிடவுள்ள வேட்பாளர்களின் விருப்பு இலக்கங்களைக் கொண்ட அதிவிசேட வர்த்தமானி அறிவித்தல் இன்று (09) வெளியிடப்பட்டது.

நுவரெலியா மாவட்டத்தில் ஸ்ரீலங்கா பொதுஜன முன்னணி சார்பில் தேர்தலில் போட்டியிட இருந்த ஆறுமுகன் தொண்டமான் காலமானதை அடுத்து, ஏற்பட்ட வெற்றிடத்திற்கு அவரின் புதல்வன் ஜீவன் தொண்டமானின் பெயர் பரிந்துரைக்கப்பட்டது.

எவ்வாறிருப்பினும், இன்றைய தினம் வெளியிடப்பட்ட வேட்பாளர்களின் விருப்பு இலக்கங்களை கொண்ட வர்த்தமானி அறிவித்தலில் மறைந்த அமைச்சர் ஆறுமுகன் தொண்டமானின் பெயரே உள்ளடக்கப்பட்டிருந்தது.

இது குறித்து பதிலளித்த ஆணைக்குழுவின் அங்கத்தவர்களில் ஒருவரான ரட்ணஜீவன் ஹூலை, கடந்த மே மாத முற்பகுதியில் இறுதி செய்யப்பட்ட வர்த்தமானி அறிவித்தலே மாற்றங்கள் இன்றி அச்சிடப்பட்டதாக தெரிவித்தார்.

இந்தநிலையில், ஜீவன் தொண்டமானின் பெயர் அடங்கிய திருத்தப்பட்ட வர்த்தமானி விரைவில் வெளியிடப்பட உள்ளதாக தேர்தல்கள் ஆணைக்குழுவின் அங்கத்தவர்களில் ஒருவரான ரத்னஜீவன் ஹூல் தெரிவித்தார்.

முக்கிய குறிப்பு:
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளுக்கு அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக்கொள்கிறோம்.
Previous Post Next Post