செய்தி நிறுவனங்களின் கதைகளை நிர்வகித்தல் மற்றும் MSN தளத்திற்கான தலைப்பு மற்றும் படங்களைத் தேர்ந்தெடுப்பது இதெல்லாம் தற்போது ஊடகவியலாளர்களால் செய்யப்ப்பட்டு வந்தது.
ரோபோக்கள் இப்போது இந்த வேலைகளைச் செய்ய முடியும் என்பதால் அந்த ஊழியர்கள் இனி தேவையில்லை என பணிநீக்கம் செய்ய microsoft முடிவு செய்துள்ளது.
மைக்ரோசாப்ட் அதன் முகப்புப் பக்கங்களில் செய்தி கட்டுரைகளைத் தேர்ந்தெடுப்பதற்கும், திருத்துவதற்கும், நிர்வகிப்பதற்கும் மனிதர்களைப் பயன்படுத்துவதை நிறுத்த முடிவு செய்த பின்னர், ஒரு மாத காலப்பகுதியில் பி.ஏ. மீடியாவால் பணிபுரிந்த சுமார் 27 நபர்கள் எதிர்வரும் நாட்களில் தங்கள் வேலையை இழக்க நேரிடும் என்று கூறப்பட்டது.
ஜூன் மாத இறுதியில் சுமார் 50 ஒப்பந்த அடிப்படையிலான ஊடகவியலாளர்கள் வேலை இழக்க நேரிடும் என்று Seattle Times தெரிவித்துள்ளது. ஆனால் முழு நேர ஊடகவியலாளர்கள் குழு இருக்கும் எனவும் தெரிவிக்கப்பட்டுள்ளது.