எதிர்க்கட்சி தலைவர் காரியாலயத்தில் நேற்று (16) இடம் பெற்ற ஊடக சந்திப்பின் போது இதனை தெரிவித்த அவர் மேலும் கூறியதாவது,
அத்தியாவசிய பொருட்களின் விலை கடுமையாக அதிகரித்துள்ளது. அதனால் மக்கள் பெரும் அசௌகரியத்தை எதிர்கொள்ள வேண்டிய நிலைமை ஏற்பட்டுள்ளது. ஆகஸ்ட் மாதமாகும் போது இன்னும் விலையை அதிகரிக்கும் நடவடிக்கைகளையே இந்த அரசாங்கம் மேற்கொள்ளும்.
ஏனெனில் எதிர்வரும் மாத்தில் 4.8 பில்லியன் அமெரிக்க டொலரகள் கடனாக செலுத்த வேண்டிய நிலைமை ஏற்பட்டுள்ளது. ஆயினும் எவ்வாறு செலுத்துவது என்ற திட்டமின்றி அரசாங்கம் செயற்பட்டு வருகின்றது.
இந்த கடனை செலுத்த வேண்டுமாயின் இன்னுமொரு கடனை பெற்றே செலுத்த வேண்டும், அல்லது நாட்டின் வளங்களை விற்பனை செய்ய வேண்டும் அல்லது கடனை பெற்ற நாட்டிடம் சலுகைக்காலத்தை நீடிக்க கோரிக்கை விடுக்க வேண்டும். இதில் எந்த நடவடிக்கையை அரசாங்கம் மேற்கொள்ளப்போகின்றது என்ற தெளிவுபடுத்தல் அவசியமானதாகும்.
இதில் மூன்று வழிமுறைகளையும் அரசாங்கம் செயற்படுத்த போகின்றதா என்ற சந்தேகமும் எழுகின்றது. அண்மையில் ஜனாதிபதி உள்ளிட்ட குழுவினர் இந்தியாவிற்கான உத்தியோகபூர்வ விஜயத்தினை மேற்கொண்டிருந்தனர். ஆயினும் அவருடைய விஜயத்தை பார்க்கிலும் பிரதமர் மஹிந்த ராஜபக்ஷவின் இந்தியாவிற்கான விஜயம் பெரிய பேசு பொருளாக மாறியது.
ஏனெனில் இந்திய விஜயத்தின் போது பிரதமர் எமது நாட்டினால் கடனை மீள செலுத்த இயலாத நிலைமை காணப்படுகின்றது. ஆகவே சலுகை காலத்தை நீடிக்குமாறு பகிரங்கமாக வேண்டுகோள் விடுத்தார். இந்த விடயம் உலக நாடுகளின் மத்தியில் எமது நாட்டிற்கு அவமரியாதையை ஏற்படுத்தும் செயலாகும். இதன் ஊடாக ஏனைய நாடுகளும் எமது நாட்டுடனான கொடுக்கல் வாங்கல்களில் பின்வாங்கும் நிலைமை ஏற்படும்.
கடன் சுமை அதிகரித்தமையின் காரணமாகவே, அரச ஊழியர்களுக்கு வழங்குவதாக கூறிய சம்பள உயர்வு மற்றும் ஓய்வூதிய கொடுப்பனவு ஆகியவற்றை அரசாங்கத்தினால் வழங்க முடியவில்லை என தெரிவித்தார்.