களனி பல்கலைகழகத்திற்கு அருகில் மாணவிக்கு கூரிய ஆயுதத்தினால் தாக்குதல்!

களனி பல்கலைகழகத்திற்கு அருகில் இன்று (13) காலை கூரிய ஆயுதத்தினால் தாக்கியதனை தொடர்ந்து 21 வயதுடைய பல்கலைகழக மாணவி காயங்களுடன் ராகமை போதனா வைத்தியசாலையில் அனுமதிக்கப்பட்டுள்ளார். 

சம்பவம் தொடர்பில் அவரின் 22 வயதுடைய காதலன் கிரிபத்கொடை பொலிசாரினால் கைது செய்யப்பட்டுள்ளதாக பொலிஸ் ஊடக பிரிவு தெரிவித்துள்ளது.

காதல் தொடர்பிலேயே இவ்வாறு கத்தி வெட்டு நிகழ்ந்துள்ளதாக முதற்கட்ட விசாரணைகளிலிருந்து தெரிய வந்துள்ளது.

சந்தேக நபர் இன்று நீதிமன்றத்தில் ஆஜர் செய்யப்படவுள்ளார்.