சவூதி அரேபியாவின் நிவாரணம் மற்றும் மனிதநேயப் பணிகளுக்கான மன்னர் சல்மான் மையம், அல் பஷர் சர்வதேச அமைப்புடன் இணைந்து நடாத்தும் இலவச கண்புரை (CATARACT) சத்திர சிகிச்சை முகாம் எதிர்வரும் நவம்பர் 3 ஆம் திகதி ஞாயிற்றுக்கிழமை முதல் 16 ஆம் திகதி சனிக்கிழமை வரை ஹம்பாந்தோட்டை மற்றும் காத்தான்குடி பகுதிகளில் நடைபெறவுள்ளது.
அந்தவகையில், சத்திர சிகைச்சைக்கு நோயாளர்களைத் தெரிவு செய்யும் பரிசோதனை முகாம்கள் பின்வரும் இடங்களில் நடைபெறவுள்ளன.
இன்றைய தினம் (29) காலை 9 மணிக்கு கொழும்பு மருதானை ஏ.எம்.வை.எஸ்(AMYS) சிலும் மாலை 4 மணிக்கு தெஹிவளையிலுள்ள மஸ்ஜித் பாவக்கரிலும் இடம்பெறும்.
அதுபோன்று நாளை 30 புதன்கிழமை காலை 9 மணிக்கு பொல்கஹவெலயில் அமைந்துள்ள கல்யாண மண்டபம், பண்டாவ என்ற இடத்திலும் மாலை 4 மணிக்கு ஓட்டமாவடி தாருஸ்ஸலாம் பள்ளிவாசலிலும் இடம்பெறும்.
நாளை மறுநாள் 31ஆம் திகதி வியாழக்கிழமை காலை 9 மணிக்கு காத்தான்குடி ஆதார வைத்தியசாலையிலும் அன்றைய தினம் மாலை 4 மணிக்கு கல்முனை ஆதார வைத்தியசாலை (வடக்கு) யிலும் இடம்பெறும்.
எனவே, கண்புரை (CATARACT) சத்திர சிகிச்சை செய்ய உள்ளவர்கள் மேற்கூறிய இடங்களில் தங்களைப் பரிசோதித்து பதிவு செய்து கொள்ளுமாறு ஏற்பாட்டாளர்கள் வேண்டுகோள் விடுத்துள்ளனர்.
-எம்.எஸ்.எம்.ஸாகிர்
