120 இலங்கையர்களை கடத்திய சந்தேக நபர் தெஹிவளையில் வைத்து கைது!

சுற்றுலா விசா மூலம் 120 இலங்கையர்களை ரஷ்யாவுக்கு அனுப்பிய சந்தேகத்தின் பேரில் ஒருவர் கைது செய்யப்பட்டுள்ளார். 

குற்றப் புலனாய்வுப் பிரிவின் மனித கடத்தல் மற்றும் கடல்சார் குற்ற விசாரணைப் பிரிவின் அதிகாரிகளால் சந்தேகநபர் தெஹிவளை பகுதியில் வைத்து கைது செய்யப்பட்டுள்ளார். 

சந்தேக நபர் ரஷ்ய தூதரகத்திற்கு முன்பாக தங்கியிருந்த போது சுற்றுலா வீசாவில் ரஷ்யாவிற்கு செல்வதற்கு உதவியதாக விசாரணைகளில் தெரியவந்துள்ளது.

சந்தேக நபர் தற்போது விளக்கமறியலில் வைக்கப்பட்டுள்ள நிலையில், நாளை (21) நீதிமன்றில் முன்னிலைப்படுத்தப்படவுள்ளார். 

குற்றப் புலனாய்வுப் பிரிவின் மனிதக் கடத்தல் மற்றும் கடல்சார் குற்றப் புலனாய்வுப் பிரிவினர் கைது செய்யப்பட்டவர் தொடர்பான மேலதிக விசாரணைகளை மேற்கொண்டு வருகின்றனர்.

பல போர் வீரர்கள் ரஷ்யாவிற்கு வேலைவாய்ப்பிற்காக அனுப்பப்பட்டு, அதற்கு பதிலாக, ரஷ்யாவிற்கும் உக்ரைனுக்கும் இடையிலான போரில் ஈடுபடுவதற்காக அனுப்பப்பட்ட மனித கடத்தல் மோசடி தொடர்பாக முன்னாள் இராணுவ அதிகாரிகள் உட்பட பல நபர்கள் இதுவரை கைது செய்யப்பட்டுள்ளனர்.

மோதலில் போரிடும் போது 16 இலங்கையர்கள் கொல்லப்பட்டதை அரசாங்கம் சமீபத்தில் உறுதிப்படுத்தியது, மேலும் பலர் தற்போது ரஷ்ய கூலிப்படை குழுக்களுக்காக போராடி வருவதாக தகவல்கள் வெளியாகியுள்ளன. (யாழ் நியூஸ்)