![](https://blogger.googleusercontent.com/img/b/R29vZ2xl/AVvXsEhsEF1L8WU9lIDAlArXyruMVdA2sq-HMeJk2tJXvL9Ts-AsYt8zYmFJ3RBkg061BlD2k_hvzCuZ7shV9zkSs31LV14ZJlQ1mhKEHSS79eu3n2lC49hgupkI21Obu6f19y-hpj7cM4PUGoVXJaFPg0P7W0W7otsgKLokbyGE9sN2EEjvzrxU-onCdzY1h4kM/s16000/IMG_5889.jpeg)
இந்த விஜயத்தின் போது, ஜனாதிபதி ரணில் விக்ரமசிங்க மற்றும் ஜனாதிபதி இம்மானுவேல் மெக்ரோன் ஆகியோர் கொழும்பில் சிநேகபூர்வ மற்றும் சாதகமான இருதரப்பு கலந்துரையாடலில் ஈடுபட்டனர். பிரான்ஸ் மற்றும் இலங்கைக்கு இடையிலான இராஜதந்திர உறவுகளின் 75 ஆவது ஆண்டு நிறைவை முன்னிட்டு இருதரப்பு உறவுகளை மேலும் வலுப்படுத்துவது குறித்து இதன்போது கவனம் செலுத்தப்பட்டது. சர்வதேச தொடர்புகளில் பிரான்ஸின் ஈடுபாட்டிற்கு பாராட்டு தெரிவித்த ஜனாதிபதி ரணில் விக்ரமசிங்க, காலநிலை அனர்த்தங்களை மட்டுப்படுத்தல், வெளிநாட்டு கடன் மறுசீரமைப்பு மற்றும் இந்து – பசுபிக் வலய பிரச்சினைகள் தொடர்பில் வழங்கப்படும் ஒத்துழைப்புக்களுக்கும் நன்றி தெரிவித்தார்.