கொலைக் குற்றவாளிகளுக்கு ஜனாதிபதி பொது மன்னிப்பு: நீதிமன்றம் அறிவிப்பு!!
advertise here on top
advertise here on top

கொலைக் குற்றவாளிகளுக்கு ஜனாதிபதி பொது மன்னிப்பு: நீதிமன்றம் அறிவிப்பு!!


இலங்கையில் இரண்டு தனித்தனி உயர் வழக்குகள் தொடர்பாக தாக்கல் செய்யப்பட்ட அடிப்படை உரிமை மீறல் மனுக்களை தொடர உச்ச நீதிமன்றம் இன்று அனுமதி வழங்கியுள்ளது. 


ரோயல் பார்க் கொலைக் குற்றவாளி ஜூட் ஷ்ரமந்த ஜயமஹாவுக்கு ஜனாதிபதி பொதுமன்னிப்பு வழங்கிய முன்னாள் ஜனாதிபதி மைத்திரிபால சிறிசேனவின் தீர்மானத்தை சவாலுக்கு உட்படுத்தி தாக்கல் செய்யப்பட்ட அடிப்படை உரிமை மீறல் மனுவை தொடர்வதற்கு நீதிமன்றம் அனுமதி வழங்கியுள்ளது.


2005 ஆம் ஆண்டு இராஜகிரியவில் உள்ள ரோயல் பார்க் காண்டோமினிய வளாகத்தில் இவோன் ஜோன்சன் படுகொலை செய்யப்பட்ட குற்றத்திற்காக ஜூட் ஷ்ரமந்த ஜயமஹாவிற்கு மரண தண்டனை விதிக்கப்பட்டது. ஆரம்பத்தில் அவருக்கு 2012 இல் 12 வருட சிறைத்தண்டனை விதிக்கப்பட்டது, ஆனால் பின்னர் மேன்முறையீட்டு நீதிமன்றத்தால் கொலைக் குற்றவாளி என தீர்ப்பளிக்கப்பட்டார். 


ராயல் பார்க் கொலை வழக்கில் உச்ச நீதிமன்றம் அவருக்கு மரண தண்டனை விதித்தது. முன்னாள் ஜனாதிபதி மைத்திரிபால சிறிசேன அவருக்கு 2016 ஆம் ஆண்டு ஜனாதிபதி மன்னிப்பு வழங்கினார்.


இதேவேளை, முன்னாள் நாடாளுமன்ற உறுப்பினர் துமிந்த சில்வாவுக்கு வழங்கப்பட்ட ஜனாதிபதி மன்னிப்பின் சட்டபூர்வமான தன்மையை சவாலுக்கு உட்படுத்தி தாக்கல் செய்யப்பட்ட மூன்று மனுக்கள் மீதான வாதத்தை உச்ச நீதிமன்றம் ஒத்திவைத்துள்ளது.


இந்த மனுக்களை நவம்பர் 17ஆம் திகதி வாதத்திற்கு எடுத்துக்கொள்வதாக உச்ச நீதிமன்றம் அறிவித்துள்ளது.


முன்னாள் பாராளுமன்ற உறுப்பினர் ஹிருணிகா பிரேமச்சந்திரவின் தந்தையான முன்னாள் பாராளுமன்ற உறுப்பினர் பாரத லக்ஷ்மன் பிரேமச்சந்திரவின் கொலை தொடர்பில் கொழும்பு மேல் நீதிமன்றம் 2016 ஆம் ஆண்டு சில்வாவிற்கு ஆயுள் தண்டனை விதித்தது.


அரசியல் பழிவாங்கல் சம்பவங்கள் தொடர்பில் ஆராய்வதற்காக நியமிக்கப்பட்ட ஜனாதிபதி ஆணைக்குழு சில்வாவை விடுதலை செய்ய சிபாரிசு செய்ததையடுத்து முன்னாள் ஜனாதிபதி கோட்டாபய ராஜபக்ஷ 2021 ஜூன் மாதம் விசேட ஜனாதிபதி மன்னிப்பை வழங்கியிருந்தார்.


2022 ஆம் ஆண்டு மே மாதம், உச்ச நீதிமன்றம் துமிந்த சில்வாவை சிறைச்சாலைக் காவலில் வைக்குமாறு சிஐடிக்கு இடைக்கால உத்தரவை பிறப்பித்தது, அதே நேரத்தில் சில்வாவின் கடவுச்சீட்டை முடக்கும் இடைக்கால உத்தரவையும் பிறப்பித்தது. (யாழ் நியூஸ்)


Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.