37,000 அடி உயரத்தில் பறந்துகொண்டிருந்த விமானத்தில் தூங்கிய இரு விமானிகள் - நடந்தது இது தான்!
advertise here on top
advertise here on top
Join yazhnews Whatsapp Community

37,000 அடி உயரத்தில் பறந்துகொண்டிருந்த விமானத்தில் தூங்கிய இரு விமானிகள் - நடந்தது இது தான்!

37,000 அடி உயரத்தில் பறந்துகொண்டிருந்த விமானத்தில் விமானிகள் இருவரும் தூங்கிவிட்டதால் தரையிறங்க தவறவிட்ட சம்பவம் நடந்துள்ளது.

விமான ஆய்வாளர் அலெக்ஸ் மச்செரஸும் ட்விட்டரில் இந்த நிகழ்வைப் பற்றி பதிவிட்டுள்ளார்.

சூடானின் கார்ட்டூமில் இருந்து எத்தியோப்பியாவின் தலைநகர் அடிஸ் அபாபாவுக்குச் சென்ற விமானத்தில் இரண்டு எத்தியோப்பியன் ஏர்லைன்ஸ் விமானிகள் தூங்கியதால் அவர்கள் தரையிறங்கத் தவறிவிட்டனர். இந்த சம்பவம் திங்களன்று நடந்தது.

விமானம் ET343 விமான நிலையத்தை நெருங்கியபோது விமான போக்குவரத்துக் கட்டுப்பாடு (ATC) எச்சரிக்கையை எழுப்பியது, ஆனால் அந்த விமானம் இறங்கத் தொடங்கவில்லை.

விமானிகள் தூங்கிவிட்ட நிலையில், போயிங் 737-ன் தன்னியக்க பைலட் அமைப்பு விமானத்தை 37,000 அடி உயரத்தில் பறக்கச்செய்துள்ளது.

ஏடிசி பலமுறை விமானிகளை தொடர்பு கொள்ள முயன்றும் முடியவில்லை. விமானம் தரையிறங்க வேண்டிய ஓடுபாதையைத் தாண்டிச் சென்றபோது, ​​தன்னியக்க பைலட் துண்டிக்கப்பட்டது. பின்னர் ஒரு அலார ஒலித்த விமானிகளை எழுப்பியது.

பின்னர் அவர்கள் 25 நிமிடங்களுக்குப் பிறகு ஓடுபாதையில் தரையிறங்குவதற்காக விமானத்தை சூழ்ச்சி செய்தனர். அதிர்ஷ்டவசமாக யாருக்கும் எந்த பாதிப்பும் ஏற்படாததால் விமானம் பத்திரமாக தரையிறக்கப்பட்டது.

விமானப் போக்குவரத்து கண்காணிப்பு அமைப்பு ADS-B, சம்பவம் நடந்ததையும், விமானம் ஓடுபாதையில் பறந்ததையும் உறுதிப்படுத்தியது. ADS-B விமானத்தின் பயண பாதையின் படத்தைப் பதிவிட்டுள்ளது, இது அடிஸ் அபாபா விமான நிலையத்திற்கு அருகே ஒரு முடிவிலி போன்ற வளையத்தைக் காட்டுகிறது.

விமானப் போக்குவரத்து ஆய்வாளர் அலெக்ஸ் மச்செரஸும் இந்த நிகழ்வைப் பற்றி ட்விட்டரில் பதிவிட்டு, இது ஆழமாக அக்கறை காட்டவேண்டிய விடயம் என்று குறிப்பிட்டுள்ளார். மேலும், விமானியின் சோர்வுதான் இதற்குக் காரணம் என்றும் அவர் குற்றம் சாட்டினார்.

மே மாதம் நியூயார்க்கில் இருந்து ரோம் சென்ற விமானம் 38,000 அடி உயரத்தில் பயணித்தபோது இரண்டு விமானிகள் தூங்கியதாள் இதேபோன்ற சம்பவம் ஒன்று பதிவாகியுள்ளது.


Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.