தேசிய எரிபொருள் அனுமதிப்பத்திரத்தில் பதிவு செய்துள்ள நபர்களுக்கு எரிபொருள் ஒதுக்கீட்டு நிலுவை குறித்து அறிந்து கொள்ள விசேட அமைப்பு ஒன்று அறிமுகப்படுத்தப்பட்டுள்ளது.
இதன்மூலம் வாரத்திற்கு உங்களுக்கு எவ்வளவு எரிபொருளை பெறமுடியும் என்பதை தெரிந்து கொள்ளலாம்.
FUEL BAL என டைப் செய்து இடைவெளி பின்னர் வாகன இலக்கத்தை டைப் செய்து (உதாரணமாக FUEL BAL ABC 1234), 076 6220 000 என்ற தொலைபேசி எண்ணுக்கு SMS அனுப்புவதன் மூலம் உங்கள் வாகனத்துக்கான எரிபொருள் இருப்புத் தொகையை அறிந்துகொள்ள முடியும்.
மக்களுக்கு எரிபொருளை வழங்குவதற்கான தேசிய எரிபொருள் அனுமதிப்பத்திரத்தை வழங்க மின்சக்தி மற்றும் எரிசக்தி அமைச்சு கடந்த 16ஆம் திகதி நடவடிக்கை எடுத்தது.
அதன்படி, www.fuelpass.gov.lk என்ற இணையத்தளத்திற்கு சென்று அதற்கான பதிவை மேற்கொள்ளலாம்.
இதேவேளை, அனுமதிப்பத்திர அடிப்படையில் எரிபொருள் வழங்கப்படவுள்ளதால், வரிசையில் காத்திருப்பதில் அர்த்தமில்லை என மின்வலு எரிசக்தி அமைச்சர் காஞ்சன விஜேசேகர தெரிவித்துள்ளார். (யாழ் நியூஸ்)