ஜனாதிபதி கோட்டாபய ராஜபக்சவின் இராஜினாமா கடிதத்தை இலங்கை சபாநாயகரின் ஊடக அலுவலகம் உறுதிப்படுத்தியுள்ளது, ஆனால் கடிதத்தின் சட்டபூர்வமான தன்மை உறுதிப்படுத்தப்பட்டவுடன் அதிகாரப்பூர்வ அறிவிப்பு வெளியிடப்படும் என்று கூறுகிறது.
சபாநாயகர் மஹிந்த யாப்பா அபேவர்தன கடிதத்தின் நம்பகத்தன்மையை சரிபார்க்க விரும்புவதால் உத்தியோகபூர்வ அறிவிப்பு தாமதமாகியுள்ளதாக தகவல்கள் தெரிவிக்கின்றன.
ஜனாதிபதி கோட்டாபய ராஜபக்ஷவிடமிருந்து கடிதத்தின் பிரதியை பெற்றுக்கொள்ளுமாறு சிங்கப்பூரில் உள்ள இலங்கை உயர்ஸ்தானிகராலயத்திற்கு பணிப்புரை விடுக்கப்பட்டுள்ளதாக தெரிவிக்கப்படுகிறது.
சபாநாயகர் இந்த விடயத்தை சட்டமா அதிபர் திணைக்களத்திற்கு அனுப்பி தேவையான சட்ட ஆலோசனைகளை பெற்றுக் கொள்ளுமாறு பணித்துள்ளார்.
இதற்கிடையில், அதிபர் கோட்டாபயவின் அசல் இராஜினாமா கடிதம் சிங்கப்பூரில் இருந்து விரைவில் கொழும்புக்கு அனுப்பப்பட உள்ளதாக ராய்ட்டர்ஸ் செய்தி வெளியிட்டுள்ளது. (யாழ் நியூஸ்)