இலங்கையில் ஏற்பட்டுள்ள எரிபொருள் தட்டுப்பாடு காரணமாக ஸ்ரீலங்கன் விமான சேவையின் பல விமானங்கள் இரத்துச் செய்யப்படலாம் என ஊடகங்களில் பரப்பப்படும் சில பொய்யான தகவல்களை சரி செய்ய ஸ்ரீலங்கன் எயார்லைன்ஸ் எதிர்பார்த்துள்ளது. ஒரு வாரத்துக்கும் மேலாக இலங்கையில் எரிபொருள் தட்டுப்பாடு உச்சத்தை எட்டியுள்ளது சிறிது காலத்திற்கு தகுந்த மாற்றங்களுடன் தங்கள் விமான அட்டவணையை நிர்வகிக்க முடியுமாக இருப்பதை ஸ்ரீலங்கன் ஏர்லைன்ஸ் உறுதிப்படுத்துகிறது.
நடைமுறையில் உள்ள நிலைமைகளை நிர்வகிக்க, விமான அட்டவணையில் மாற்றங்கள் செய்யப்பட்டுள்ளன மற்றும் எரிபொருள் நிரப்புவதற்காக தேர்ந்தெடுக்கப்பட்ட வெளிநாட்டு விமான நிலையங்களில் தொழில்நுட்ப நிறுத்தங்கள் அறிமுகப்படுத்தப்பட்டுள்ளன. அதன்படி, சில விமானங்களின் நேரம் மற்றும் கால அளவுகளில் சில மாற்றங்கள் இருக்கலாம். எவ்வாறாயினும், ஸ்ரீலங்கன் எயார்லைன்ஸ் தனது விமான சேவைகளை அட்டவணை திருத்தங்களின் தாக்கத்தைப் பொருட்படுத்தாமல் தொடர்ந்து இயக்கும் பயண அட்டவணை கிட்டத்தட்ட 100% செயல்திறனுடன் செயல்படுத்தப்படுகிறது.
ஸ்ரீலங்கன் எயார்லைன்ஸ் தனது வாடிக்கையாளர்களுக்கு இந்த இக்கட்டான நேரத்தில், திட்டமிடப்பட்ட விமானச் செயற்பாடுகளை எவ்வித இடையூறும் இன்றி நடத்துவதற்கு அனைத்து முயற்சிகளும் மேற்கொள்ளப்படும் என உறுதியளிக்கிறது.
மேலும் விவரங்களுக்கு உங்கள் அருகில் உள்ள ஸ்ரீலங்கன் ஏர்லைன்ஸ் அலுவலகத்தை தொடர்பு கொள்ளவும். இல்லையென்றால் www.srilankan.com ஐப் பார்வையிடவும்
