இரண்டு மூன்று நாட்களுக்குள் எரிபொருள் விநியோகம் செய்யப்படும் என நேற்று பல பெட்ரோல் நிலையங்களில் டோக்கன் வழங்கப்பட்டது. அந்த டோக்கன்களை பெற நேற்று மக்கள் நீண்ட வரிசையில் காத்திருந்தனர்.
இதேவேளை, எரிபொருள் கையிருப்பு முற்றாக தீர்ந்ததை அடுத்து இலங்கை அமைச்சர்கள் பலர் எரிபொருளை பெற்றுக்கொள்வதற்காக பேச்சுவார்த்தைகளை மேற்கொள்ள வெளிநாடுகளுக்கு சென்றுள்ளனர்.
கடன் முறையில் எரிபொருள் பெற்றுக்கொள்வது தொடர்பில் கலந்துரையாடுவதற்காக எரிசக்தி அமைச்சர் காஞ்சன விஜேசேகர அரபு நாடான கட்டார் நாட்டுக்கு சென்றுள்ளார்.
கல்வி அமைச்சர் சுசில் பிரேமஜயந்தவும் ரஷ்யாவிற்குப் புறப்பட்டுச் சென்றுள்ளார், தாமதமாக பணம் செலுத்தும் அடிப்படையில் ரஷ்யாவிடமிருந்து எரிபொருளைப் பெற்றுக்கொள்ளலாம் என எதிர்பார்த்துள்ளார்.
எவ்வாறாயினும், இலங்கை கடனை திருப்பிச் செலுத்த முடியாத நிலையில் கடனைத் திருப்பிச் செலுத்தப் போவதில்லை என அரசாங்கம் அறிவித்துள்ளதால் சர்வதேச சமூகத்துடனான கடன் ஒப்பந்தங்கள் மிகவும் கடினமானதாக மாறியுள்ளது குறிப்பிடத்தக்கது. (யாழ் நியூஸ்)
