சந்தேகநபர்கள் இந்தியாவைச் சேர்ந்த பெண் ஒருவரும், சமூக ஊடகங்கள் ஊடாக இரண்டு வருடங்களாக உறவுகொண்ட ஒரு பிள்ளையின் தாயான இலங்கைப் பெண்ணும் ஆவர்.
குடிவரவு மற்றும் குடியகல்வு திணைக்களத்தில் மக்கள் நெரிசல் அதிகளவில் காணப்படுவதால், குறுகிய கால அவகாசத்தில் கடவுச்சீட்டைப் பெற்றுக்கொள்ள முடியாத காரணத்தினால், இந்தியப் பெண்ணால் தமிழ்நாட்டிற்கு அழைக்கப்பட்ட இலங்கைப் பெண் வெளிநாடு செல்ல முடியாத நிலை ஏற்பட்டுள்ளது.
இதன்படி கடந்த ஜூன் மாதம் 20ஆம் திகதி இலங்கை வந்த இந்தியப் பெண், அக்கரைப்பற்றுக்குச் சென்று தனது இலங்கை காதலரின் வீட்டில் தங்கியிருந்தார்.
இலங்கை பெண்ணின் தந்தை இந்த உறவுக்கு எதிர்ப்பு தெரிவித்து அக்கரைப்பற்று பொலிஸில் முறைப்பாடு செய்ததையடுத்து பெண்கள் இருவரும் கைது செய்யப்பட்டு நீதிமன்றத்தில் ஆஜர்படுத்தப்பட்டனர்.
சந்தேக நபர்களை மனநல மருத்துவரிடம் ஆஜர்படுத்தி இன்றைய தினம் அறிக்கை சமர்ப்பிக்குமாறு அக்கரைப்பற்று நீதவான் பொலிஸாருக்கு உத்தரவிட்டுள்ளதுடன், குறித்த பெண்களை மனநல பரிசோதனைக்காக கல்முனை ஆதார வைத்தியசாலைக்கு அனுப்பி வைத்துள்ளனர். (யாழ் நியூஸ்)
