நாட்டில் தற்போது நிலவும் பொதுப் போக்குவரத்து பிரச்சினைகளுக்கு தீர்வு காணும் வகையில் போக்குவரத்து அமைச்சர் மற்றும் போக்குவரத்து மற்றும் நெடுஞ்சாலைகள் அமைச்சின் நிறுவனங்களின் தலைவர்களுக்கு இடையில் சனிக்கிழமை (04) இலங்கை அறக்கட்டளை நிறுவனத்தில் சந்திப்பொன்று இடம்பெற்றது.
நாட்டில் தற்போது நிலவும் எரிபொருள் நெருக்கடி மற்றும் அதிகரித்து வரும் வாழ்க்கைச் செலவு காரணமாக பயணிகள் எதிர்நோக்கும் போக்குவரத்து பிரச்சினைகளுக்கு குறுகிய காலத்தில் எடுக்க வேண்டிய நடவடிக்கைகள் குறித்து கலந்துரையாடப்பட்டது.
அதன்படி, அன்றாட நடவடிக்கைகளுக்கான போக்குவரத்து ஊடகங்கள் மற்றும் அலுவலக ரயில் மற்றும் பேருந்து சேவைகள், பாடசாலை மாணவர்களுக்கான போக்குவரத்து சேவைகள் மற்றும் அத்தியாவசிய சேவைகள் (ஆம்புலன்ஸ்கள் போன்றவை) சில நாட்களுக்குள் மேம்படுத்த பல முக்கிய முடிவுகள் எடுக்கப்பட்டன.
1. தனி வீதி விதிகளை மேலும் பலமாக அமுல்படுத்தல்.
2. கடவத்தை, மாகும்புர, கட்டுபெத்த பல போக்குவரத்து நிலையங்களில் Park and Ride
சேவைகள் ஆரம்பித்தல்.
3. சைக்கிள்களைப் பயன்படுத்துவதை ஊக்குவித்தல் மற்றும் அதிக வாகனப் பாதைகளுக்குப் பதிலாக சைக்கிள் ஓட்டுபவர்களுக்கு இணையான பாதைகளை அறிமுகப்படுத்துதல்.
4. புதிய அலுவலக ரயில்கள் உட்பட புதிய ரயில் சேவைகள் ஆரம்பம்.
5. பஸ்டியன் மாவத்தை பகுதியில் பேருந்துகளுக்காக ஒதுக்கப்பட்ட எரிபொருள் நிரப்பு நிலையத்தை வழங்குதல்.
6. தற்போது ஓடும் ரயிலில் கூடுதல் பெட்டிகளைச் சேர்த்தல்.
7. பாணந்துறை மற்றும் ராகம உள்ளிட்ட அடையாளம் காணப்பட்ட புகையிரத நிலையங்களில் Park and Ride சேவையை நடைமுறைப்படுத்துதல்.
8. மாணவர்கள் மற்றும் கிராமப்புற சேவைகளுக்கு புதிய பேருந்துகளை வழங்குதல்
(யாழ் நியூஸ்)