அலி சப்ரி பாராளுமன்றத்தில் - அதிரடி அறிவிப்பு!
advertise here on top
advertise here on top
Join yazhnews Whatsapp Community

அலி சப்ரி பாராளுமன்றத்தில் - அதிரடி அறிவிப்பு!

அரசியலிலும் பொருளாதார நெருக்கடியிலும் நாட்டின் நிலை குறித்து வருத்தம் தெரிவித்த முன்னாள் அமைச்சர் அலி சப்ரி, இனி ஒருபோதும் நாடாளுமன்றத்தில் பணியாற்றப் போவதில்லை என தெரிவித்துள்ளார்.

இன்று பாராளுமன்றத்தில் உரையாற்றிய அவர், நாட்டின் தற்போதைய வருமானம் ரூ. 1.4 டிரில்லியன், செலவு ரூ. 3.4 டிரில்லியன் என தெரிவித்தார். 

போராட்டங்களை நடத்தி அறிவிப்புகளை வெளியிடுவதோ அல்லது பாராளுமன்ற உறுப்பினர்களின் சிறப்புரிமைகளை வெட்டுவதோ தற்போதைய நெருக்கடியை தீர்க்காது என்றார்.

எவ்வாறாயினும், தேசத்தை நேசிக்கும் மற்றும் கடமையாக வரி செலுத்திய ஒரு நல்ல மனிதர் எதிர்காலத்தில் பாராளுமன்றத்திற்குள் நுழையக்கூடிய அடுத்த தலைமுறைக்கு வழி வகுக்கும்படி பாராளுமன்ற உறுப்பினர்களுக்கு அலி சப்ரி அழைப்பு விடுத்தார்.

"நான் இந்த பாராளுமன்றத்தை மீண்டும் பார்க்க மாட்டேன், எனக்கு அது தேவையில்லை. இவ்வாறான சூழலைக் காண நாங்கள் பாராளுமன்றத்திற்குள் நுழையவில்லை. நான் இனி ஒருபோதும் திரும்பி வரமாட்டேன்” என்று அவர் சபையில் கடுமையாக சாடினார்.

புத்தளம் பாராளுமன்ற உறுப்பினர் அலி சப்ரி ரஹீமின் வீடு கும்பலால் தாக்கப்பட்ட போது, ​​அவரது சொந்த சட்டத்துறை சகாக்கள் மற்றும் உறவினர்கள் சமூக வலைத்தளங்கள் ஊடாக இந்த சம்பவத்திற்கு ஆதரவு தெரிவித்ததை சுட்டிக்காட்டிய முன்னாள் அமைச்சர், இவ்வாறான கொடூரமான சமூகத்துடன் நாடு எவ்வாறு முன்னேற முடியும் என கேள்வி எழுப்பியுள்ளார்.

“நான் இங்கு போர் செய்ய வரவில்லை. என் குழந்தைகள் மற்றும் என் பெற்றோருக்காக நான் பயப்படுகிறேன். நாங்கள் 5 காசு கூட திருடவில்லை அல்லது எந்த வித மோசடியிலும் ஈடுபடவில்லை. நான் கிட்டத்தட்ட அமைச்சர் பதவியை ஏற்கும் முன் கடந்த ஐந்து ஆண்டுகளில் வருமான வரியாக என்னிடம் ரூ. 42 மில்லியன் ரூபாய் வசூலிக்கப்பட்டுள்ளது” என்று சப்ரி மேலும் கூறினார்.

இது தாமதமானாலும், இலங்கையை கட்டியெழுப்புவதற்கும் முன்னெடுத்துச் செல்வதற்கும் அனைத்து தரப்பினரும் ஒன்றிணைந்து செயற்பட வேண்டும் என அவர் தெரிவித்துள்ளார். (யாழ் நியூஸ்)
Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.