ரஷ்யாவிடம் எரிபொருள் கோரிய இலங்கை - ரஷ்ய தூதரகத்தின் பதில் இது தான்!
advertise here on top
advertise here on top
Join yazhnews Whatsapp Community

ரஷ்யாவிடம் எரிபொருள் கோரிய இலங்கை - ரஷ்ய தூதரகத்தின் பதில் இது தான்!

பெற்றோலிய பொருட்களை கொள்வனவு செய்யுமாறு இலங்கை விடுத்துள்ள கோரிக்கையை ரஷ்யா பரிசீலித்து வருவதாக இலங்கைக்கான ரஷ்ய தூதரகம் தெரிவித்துள்ளது.

ரஷ்ய கூட்டமைப்பு இந்த செயல்முறையை ஆதரிப்பதாக ரஷ்ய தூதரகத்தின் முதல் செயலாளர் அனஸ்தேசியா ஹத்லோவா தெரிவித்துள்ளார்.

இலங்கையின் கோரிக்கை பரிசீலிக்கப்பட்டு வருவதாக கூறிய அனஸ்தேசியா ஹத்லோவா, இலங்கைக்கான ரஷ்ய தூதுவருக்கும் இலங்கையின் எரிசக்தி அமைச்சருக்கும் இடையில் இந்த விடயம் தொடர்பில் சந்திப்பு இடம்பெற்றதாக ஊடகங்களில் வெளியான செய்திகளை மறுத்துள்ளார்.

இலங்கை தனது எரிபொருள் பற்றாக்குறையை நிவர்த்தி செய்யும் முயற்சியில் பல நாடுகளை அணுகியுள்ளது.

எரிபொருள் நெருக்கடியால் பெட்ரோல், டீசல் கிடைக்காமல் பொதுமக்கள் கடுமையாக பாதிக்கப்பட்டுள்ளனர்.

தற்போது நிலவும் எரிபொருள் தட்டுப்பாடு காரணமாக மக்கள் தினமும் பல மணி நேரம் நீண்ட வரிசையில் நிற்கின்றனர். (யாழ் நியூஸ்)
Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.