மிரிஹான பிரதேசத்தில் இடம்பெற்ற கலவரம் தொடர்பில் சனத் வெளியிட்டுள்ள கருத்து!

நுகேகொட, மிரிஹான பிரதேசத்தில் இடம்பெற்ற கலவரம் தொடர்பில் இலங்கை தேசிய அணியின் முன்னாள் தலைவரும், ஆரம்ப துடுப்பாட்ட வீரருமான சனத் ஜயசூரிய கருத்து தெரிவித்துள்ளார். 

அவர் தனது சமூக வலைத்தளத்தில் ஒரு குறிப்பைப் பதிவிட்டு இவ்வாறு கூறியுள்ளார்.

"கடந்த ஒரு மாத காலமாக இலங்கையர்களாகிய நாங்கள் மௌனமாக தவித்து வருகிறோம். எல்லாவற்றிற்கும் மற்றும் அனைவருக்கும் ஒரு முறிவு புள்ளி உள்ளது. அந்த நிலைக்கு வந்துவிட்டோம். நேற்றைய போராட்டங்கள் அப்பாவி மக்கள் மீதான அடக்குமுறை மற்றும் அநியாய ஒடுக்குமுறையின் விளைவாகும். 

இனம், மதம், சாதி, கட்சி அரசியலால் ஒருபோதும் பிளவுபட மாட்டோம். 

ஒரே மக்களாக ஒன்றுபட்டு நமக்காகவும், நம் குழந்தைகளுக்காகவும், வருங்கால சந்ததியினருக்காகவும் எழுந்து நிற்போம்.

 #WakeUpSriLanka 

இது எங்களைப் பற்றியது, அவர்களைப் பற்றியது அல்ல, அமைதியான முறையில் போராட்டம் நடத்துங்கள், பொது சொத்துக்களை சேதப்படுத்தாதீர்கள், உங்கள் சகோதர சகோதரிகளுக்கு தீங்கு விளைவிக்காதீர்கள். இது கலவரம் அல்ல, வெறும் கருத்து வெளிப்பாடு" என தெரிவித்திருந்தார். (யாழ் நியூஸ்)