அமைச்சர்களான விமல் வீரவன்ச மற்றும் உதய கம்மன்பில ஆகியோர் அமைச்சர் பதவிகளில் இருந்து சற்று முன்னர் நீக்கப்பட்டுள்ளதாக அரசாங்க தகவல்கள் தெரிவிக்கின்றன.
உடனடியாக அமுலுக்கு வரும் வகையில் பல அமைச்சரவை மாற்றங்கள் இடம்பெற்றுள்ளன.
உதய கம்மன்பில வகித்து வந்த மின்சக்தி அமைச்சராக காமினி லொகுகே நியமிக்கப்பட்டுள்ளார்.
எரிசக்தி அமைச்சராக பதவி வகித்த காமினி லொகுகேவிற்கு பதிலாக போக்குவரத்து அமைச்சர் பவித்ரா வன்னியாச்சி நியமிக்கப்பட்டுள்ளார்.
விமல் வீரவன்ச வகித்து வந்த கைத்தொழில் அமைச்சர் பதவி, கல்வி அமைச்சர் தினேஷ் குணவர்தனவிடம் கையளிக்கப்பட்டுள்ளது.
அதனடிப்படையில் உதய கம்மன்பில மற்றும் விமல் வீரவங்ச ஆகியோரின் அமைச்சரவை அமைச்சுப் பதவிகள் இழக்கப்பட்டுள்ளதாகத் தெரிவிக்கப்படுகிறது.
மேலும், எஸ்.பி. திஸாநாயக்கவுக்கு கல்வி அமைச்சர் பதவியும், திலும் அமுனுகமவுக்கு போக்குவரத்து அமைச்சர் பதவியும் வழங்கப்பட்டுள்ளது.