ரஷ்யாவுக்கும் இலங்கைக்கும் இடையிலான அனைத்து விமான சேவைகளையும் கடந்த மார்ச் 26ஆம் திகதி இரவு முதல் ஸ்ரீ லங்கன் விமான சேவை நிறுவனம் இடைநிறுத்த தீர்மானித்துள்ளதாக தெரிவிக்கப்படுகின்றது.
அதன் புதிய தலைமை வர்த்தக அதிகாரியாக ரிச்சர்ட் நட்டில் இந்த முடிவை எடுத்துள்ளதாக தெரியவருகிறது.
கடந்த பருவத்தில் இலங்கையின் மிகப்பெரிய சுற்றுலாத் தலமாக ரஷ்யா இருந்தது.
ரிச்சர்ட் நட்டில் நிறுவனத்தின் இந்த முடிவு ஸ்ரீலங்கன் ஏர்லைன்ஸ் விமான சேவைக்கு மாத்திரமன்றி சுற்றுலாத்துறையிலும் பெரும் தாக்கத்தை ஏற்படுத்தும் என ஆய்வாளர்கள் தெரிவிக்கின்றனர்.
சில செய்திகளின்படி, ரஷ்ய - உக்ரைன் போருக்கு எதிர்ப்புத் தெரிவிக்கும் வகையில் இந்த விமான இடைநிறுத்த முடிவு எடுக்கப்பட்டது.
ரிச்சர்ட் நட்டில் பிரித்தானிய பிரஜை எனவும், பிரித்தானிய அரசாங்கம் உக்ரைனுக்கு தனது ஆதரவை வழங்கியுள்ளதாகவும் தெரியவருகிறது. (யாழ் நியூஸ்)
