இந்தியாவில் இருந்து லண்டன் செல்லும் பேருந்து சேவை மீண்டும் ஆரம்பம்! கட்டணம் எவ்வளவு தெரியுமா?

advertise here on top
Join YazhNews WhatsApp Community

இந்தியாவில் இருந்து லண்டன் செல்லும் பேருந்து சேவை மீண்டும் ஆரம்பம்! கட்டணம் எவ்வளவு தெரியுமா?


இந்தியாவில் இருந்து வரும் செப்டெம்பர் மாதம் முதல், லண்டனுக்கு மீண்டும் பேருந்து சேவை தொடங்க இருப்பதாக அறிவிக்கப்பட்டுள்ளது. இந்த பேருந்தின் பயணக்கட்டணமாக 15 லட்சம் என நிர்ணயிக்கப்பட்டு இருப்பதாகவும் தகவல் வெளியாகியுள்ளது.


இந்தியாவின் தலைநகர் டெல்லியில் இருந்து பிரித்தானியாவின் லண்டன் நகருக்கு கடந்த 2021ஆம் ஆண்டு, மே மாதம் பேருந்து சேவையை தொடங்க Adventures Overland டிராவல்ஸ் என்ற நிறுவனம் திட்டமிட்டிருந்தது.


இந்த அறிவுப்பு வெளியான சில நாட்களிலேயே சுமார் 40,000 நபர்கள் இந்த பயணத்திற்கு தங்கள் பெயர்களை பதிவு செய்து இருந்தனர்.


ஆனால் அப்போது கொரோனா பரவல் தாக்கம் அதிகமாக இருந்த காரணத்தால் இந்த திட்டத்தை அந்த நிறுவனம் கைவிட்டது.


இதையடுத்து தற்போது கொரோனா பரவல் குறைந்துள்ளதால், வரும் செப்டெம்பர் மாதம் முதல் இந்த பேருந்து சேவை திட்டத்தை தொடங்க மீண்டும் திட்டமிடப்பட்டுள்ளது.


இந்தியாவின் தலைநகர் டெல்லியில் இருந்து புறப்படும் இந்த பேருந்து சேவையானது, மியான்மர், தாய்லாந்து, சீனா, கஜகஸ்தான், ஜெர்மனி, பெல்ஜியம், பிரான்ஸ் என 18 நாடுகள் வழியாக சுமார் 20,000 கிலோமீட்டர் தூரம் கடந்து 70 நாட்களில் பிரித்தானியாவின் லண்டன் நகரை சென்றடையும் என தெரிவிக்கப்பட்டுள்ளது.


மேலும் இந்த சாலைவழி பயணத்தின் இடையே வரும் நீர்நிலைகளை கடப்பதற்கு பெரிய படகுகள் பயன்படுத்தப்படும் எனவும் தெரிவிக்கப்பட்டுள்ளது.


20 படுக்கைகள் மட்டுமே கொண்ட இந்த பேருந்தில் உணவு உண்ணும் வசதி போன்ற அனைத்து வசதிகளும் வழங்கப்படும் எனவும், இந்த பேருந்து பயணத்துக்கு சுமார் 15 லட்சம் வரை கட்டணம் வசூலிக்கப்படும் என தெரிவிக்கப்பட்டுள்ளது.


இந்தியாவில் இருந்து லண்டனுக்கு தொடங்கப்பட உள்ள இந்த பேருந்து சேவையானது முதல்முறை அல்ல, ஏற்கனவே கடந்த 1957ஆம் ஆண்டு இந்தியாவின் கொல்கத்தாவில் இருந்து லண்டனுக்கு டபுள் டக்கர் பேருந்து சேவை தொடங்கப்பட்டது.


இந்த பேருந்து சேவை பல நாடுகளில் ஏற்பட்ட எல்லை பிரச்சனைகள் மற்றும் விபத்துகளின் காரணமாக 1976 ஆம் ஆண்டு இந்த பேருந்து சேவை நிறுத்தப்பட்டது என்பது குறிப்பிடத்தக்கது.


Previous News Next News
header ads
Join YazhNews WhatsApp Community
ALERT: யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகள் அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.