பதவி நியமனம் பெற்று மணி நேரத்தில் கேஸ் பிரச்சினையை தீர்த்த புதிய தலைவர்!!

லிட்ரோ நிறுவனத்தின் ஒரு மணி நேர தலைவராக தாம் நியமிக்கப்பட்டுள்ளதாக ஊடகங்களில் செய்திகள் வெளியாகியிருந்த போதிலும் அந்த ஒரு மணி நேரத்திற்குள் நாட்டின் எரிவாயு பிரச்சினையை தீர்த்து வைத்துள்ளதாக மில்கோவின் புதிய தலைவராக நியமிக்கப்பட்டுள்ள ரேணுகா பெரேரா தெரிவித்துள்ளார்.

லிட்ரோ நிறுவனத்தில் ஏற்பட்டுள்ள சிக்கல் நிலை காரணமாகவே தலைவர் பதவியை தம்மைப் பொறுப்பேற்குமாறு ஜனாதிபதி கூறியதாகவும், பின்னர் லிட்ரோவிற்குப் பதிலாக மில்கோ நிறுவனத்தை பொறுப்பேற்குமாறும் ஜனாதிபதி கேட்டுக் கொண்டதாகவும் அவர் கூறினார். 

புதிய தலைவர் பதவியேற்றதன் பின்னர் நடைபெற்ற ஊடகவியலாளர் சந்திப்பிலேயே இந்த கருத்துக்கள் அவர் தெரிவித்தார். (யாழ் நியூஸ்)