புதிய விமான சேவையானது எதிர்வரும் 2022 பெப்ரவரி 10 முதல் செயல்படத் தொடங்கும் என்று விமான நிறுவனம் நேற்று தெரிவித்துள்ளது.
இந்த மேலதிக விமானங்கள் வாடிக்கையாளர்களுக்கு கொழும்பிற்கு 26 வாராந்திர விமானங்களை வழங்குவதற்கு எமிரேட்ஸ் உதவுகின்றது. மாலைத்தீவில் (மாலே) இருந்து கொழும்புக்கான தினசரி சேவையும் இதில் அடங்கும்.
விமானத்தின் நிறுவனத்தின் அறிக்கையின் படி, சேர்க்கப்பட்ட விமானங்கள் ஒவ்வொரு செவ்வாய், வியாழன், வெள்ளி, சனி மற்றும் ஞாயிற்றுக்கிழமைகளில் செயல்படும்.
எமிரேட்ஸ் விமானம் EK654 துபாயில் இருந்து 1035 மணிக்கு புறப்பட்டு உள்ளூர் நேரப்படி 1625 மணிக்கு கொழும்பை வந்தடையும்.
திரும்பும் விமானம் EK655 கொழும்பிலிருந்து 2205 மணிக்குப் புறப்பட்டு, உள்ளூர் நேரப்படி மறுநாள் 0155 மணிக்கு துபாய் சென்றடையும்.
மேலதிக விமானங்களினால் வாரத்திற்கு மேலும் 1,780 ஆசனங்களை அதிகரித்துள்ளது.
இதற்கிடையில், Emirates SkyCargo துபாய் மற்றும் கொழும்பு இடையே வாரத்திற்கு ஒவ்வொரு வழியிலும் 100 டன் சரக்கு திறனை மேலதிகமாக வழங்கும். (யாழ் நியூஸ்)