அதேவேளை, உலகத் தலைவர்கள் அதிகளவானோர் இலங்கைக்கு வருகைத் தந்த ஒரு மாதமாக இந்த மாதம் காணப்படுவதாகவும் அவர் தெரிவித்தார்.
சிறிலங்கா பொதுஜன பெரமுன கட்சியின் தலைமையகத்தில் நேற்று நடைபெற்ற ஊடகவியலாளர் சந்திப்பிலேயே அவர் மேற்கண்டவாறு தெரிவித்துள்ளார்.
தொடர்ந்து கருத்து தெரிவித்த அவர்,
ஒரே மாதத்தில் அதிகளவான வெளிநாட்டு தலைவர்கள் இலங்கைக்கு வந்த வரலாறே இலங்கையில் இல்லை. எனவே எமது அரசாங்கம் தொடர்பில் வெளிநாட்டு சமூகங்களுக்கு எவ்வளவு நம்பிக்கை உள்ளதென்று இதன்மூலம் தெரியவருகிறது என்று சுட்டிக்காட்டினார்.
இலங்கைக்கு வருகைத் தந்த சீனாவின் வெளிவிவகார அமைச்சருடன் பயனுள்ள வகையில் கலந்துரையாடல்கள் இடம்பெற்றதாக அவர் குறிப்பிட்டார்.
இந்த மாதம் 12ஆம் திகதி ஹங்கேரி நாட்டின் வெளிவிவகார அமைச்சரும் 18ஆம் திகதி பிரித்தானியாவின் அமைச்சரான டரிக் ஆமரும், 19ஆம் திகதி கொரியா நாடாளுமன்றத்தின் சபாநாயகரும் இந்த மாத இறுதியில் துருக்கியின் வெளிவிவகார அமைச்சரும் இலங்கைக்கு விஜயம் செய்யவுள்ளனர் என்று சுட்டிக்காட்டினார்.
இவ்வாறான உலகத் தலைவர்கள் ஒரே மாதத்தில் இலங்கைக்கு வருகைத் தந்த சந்தர்ப்பம் தனது நினைவுக்கு எட்டிய வகையில் எப்போதும் நடந்ததில்லை எனவும் தெரிவித்தார்.
இதன் மூலம் மிகவும் பலமிக்க வகையில் இலங்கையின் சர்வதேச உறவுகளை வலுப்படுத்த அரசாங்கத்தால் முடிந்துள்ளது என தெரிவித்துள்ளார்.