மஹேலவின் திருமணம் இரு தினங்களுக்கு முன்னர் தென் மாகாணத்தில் உள்ள ஹோட்டல் ஒன்றில் கடந்த டிசம்பர் 18 ஆம் திகதி நடைபெற்றதாகவும் நடாஷா மகலந்த என்பவரை திருமணம் செய்து கொண்டதாகவும் தெரிவிக்கப்படுகிறது.
மஹேலவின் முதல் திருமணமானது 2005-2018 வரையில் கிறிஸ்டினா மல்லிகா சிரிசேனவுடனும் அவர்களது ஒரே மகளான சான்சாவிற்கு தற்போது 8 வயதாகிறது.
2018 இல் மஹேல தனது மனைவியைப் பிரிந்த பின்னர், மகள் அவரது முதல் மனைவியின் பராமரிப்பில் உள்ளார்.
ஒரு நாள் மற்றும் டெஸ்ட் போட்டிகளில் ஜொலித்த மஹேல, ஐபிஎல் தொடரில் மும்பை அணிக்காக பல வருட காலமாக பணிபுரிந்து இந்த ஆண்டு அனைத்து மும்பை அணியில் இருந்து விடுவிக்கப்பட்டார்.
கடந்த காலங்களில் அவர் குடும்பத்துடன் நேரம் குறைவாகவே செலவிடுவதாகவும், திருமண வாழ்க்கையில் குழப்பம் ஏற்பட்டுள்ளதாகவும் பல்வேறு வதந்திகள் பரவின.
மஹேல ஜயவர்தன 2005 ஆம் ஆண்டு நவம்பர் மாதம் 3 ஆம் திகதி கிறிஸ்டினா மல்லிகா சிரிசேனவை மணந்தார்.
இலங்கை-டென்மார்க் பெற்றோருக்குப் பிறந்த கிறிஸ்டினா, தொழிலில் பயண ஆலோசகர். அவர் டென்மார்க்கில் பிறந்து இரண்டு வயதாக இருக்கும் போது விடுமுறையில் தனது பெற்றோருடன் இலங்கைக்கு வந்து 1990 இல் நிரந்தரமாக குடியேறி மஹேலவை ஒரு விருந்தில் சந்தித்தார்.
இவர்களது திருமண பிரச்சனைகள் பகிரங்கப்படுத்தப்படவில்லை.
இருப்பினும், 2018-2019 பருவத்தில், சமூக ஊடக கணக்குகளில் குடும்ப விவரங்களில் மாற்றங்கள் மற்றும் புகைப்படங்கள் நீக்கப்பட்டதன் காரணமாக மஹேலவின் குடும்ப நெருக்கடி குறித்து விளையாட்டு ரசிகர்கள் அதிகம் பேசி வந்தனர்.
இதற்கிடையில், 2021 ஒக்டோபரில், கொரோனா குமிழியில் ஏற்பட்ட அடைப்பு (பயோ பபல்) காரணமாக 135 நாட்களாக தனது மகளைப் பார்க்கவில்லை என்று மஹேல ஒரு செய்தித்தாளிடம் தெரிவித்திருந்தார்.
மஹேலவின் புதிய திருமணம் நடாஷா மகலந்தவுடன் கடந்த 18ஆம் திகதி இடம்பெற்றதுடன், அவர் ஸ்ரீலங்கன் விமான சேவையின் பணிப்பெண்ணாக பணிபுரியும் போது அவரை சந்தித்ததாக நம்பப்படுகிறது. அவளைப் பற்றிய கூடுதல் விவரங்கள் இன்னும் தெரிவிக்கப்படவில்லை. எதிர்வரும் ஜனவரி முதலாம் திகதி முதல் இலங்கை அணியின் பயிற்றுவிப்பாளராக பொறுப்பேற்கவுள்ள மஹேல, இலங்கை கிரிக்கெட்டுக்கான புதிய பயணத்தை மேற்கொள்ளவுள்ளார். (யாழ் நியூஸ்)
