வீட்டிலே பால் தேநீர் அருந்த முடியும்! உணவகங்களில் இனி கிடையாது!

பால்மாவின் விலை அதிகரிப்பு காரணமாக பால் தேநீர் விற்பனையில் இருந்து விலகுவதாக அகில இலங்கை சிற்றுண்டிச்சாலை உரிமையாளர்கள் சங்கம் தெரிவித்துள்ளது.

பால்மா விலை அதிகரிப்பு காரணமாக ஒரு கோப்பை பால் தேநீரை 80 ரூபாவுக்கு விற்பனை செய்ய நேரிடும் என அதன் செயலாளர் அசேல சம்பத் தெரிவித்துள்ளார்.

பால் தேநீரின் விலையை அதிகரித்து மக்களை சிரமத்துக்குள்ளாக்குவதை விட, பால் தேநீர் விற்பனையிலிருந்து விலகுவது நன்மையானது என அவர் குறிப்பிட்டுள்ளார்.

இதேவேளை, நாளை முதல் இறக்குமதி செய்யப்படும் பால்மாவின் விலையை அதிகரிப்பதற்கு பால்மா இறக்குமதியாளர்கள் சங்கம் தீர்மானித்துள்ளனர்.

அதனடிப்படையில் இறக்குமதி செய்யப்படும் ஒரு கிலோகிராம் பால்மா பொதியொன்று 1,345 ரூபாவுக்கும், 400 கிராம் பொதியொன்று 540 ரூபாவுக்கும் விற்பனை செய்யப்படும் என தெரிவிக்கப்பட்டுள்ளது.