பொலிஸாரால் கைது செய்யப்பட்ட ஹுங்கம பிரதேச சபையின் முன்னாள் உறுப்பினர் ஒருவர் பொலிஸ் நிலையத்தில் உயிரிழந்துள்ளார்.
போயா தினத்தன்று மதுபானம் விற்பனை செய்த குற்றச்சாட்டின் பேரில் முன்னாள் பிரதேச சபை உறுப்பினர் பிரேமதிலக்க அமரவீர (62) ஹுங்கம பொலிஸாரால் இன்று கைது செய்யப்பட்டுள்ளார்.
கைது செய்யப்பட்ட சந்தேக நபரான முன்னாள் பிரதேச சபை உறுப்பினர், பொலிஸாரினால் அழைத்துச் செல்லப்பட்டு பின்னர் அங்கு அவரை தடுத்து வைக்கப்பட்ட அறையில் விழுந்துள்ளார்.
சந்தேக நபர் பின்னர் ரன்ன வைத்தியசாலையில் அனுமதிக்கப்பட்ட நிலையில் அவர் உயிரிழந்துள்ளதாக பொலிஸ் ஊடகப் பேச்சாளர் எஸ்.எஸ்.பி நிஹால் தல்துவ தெரிவித்தார்.
சந்தேக நபரின் மரணத்தையடுத்து அவரது உறவினர்கள் உள்ளிட்ட குழுவினர் கொழும்பு - கதிர்காமம் பிரதான வீதியை ரன்ன பிரதேசத்தில் மறித்து போராட்டம் ஒன்றை ஆரம்பித்துள்ளனர். (யாழ் நியூஸ்)
